१४ आषाढ / अर्थ र व्यापार– साताको अन्तिम दिन विहिबार शेयर वजार झिनो अंकले घटेर ११९८.५४ अंकमा ओर्लिएको छ। तर क वर्गका कम्पनीहरुको कारोवार मापन गर्ने सेन्सेटिभ इन्डेक्स ०.१२ अंकले वढेर २५२.०९ अंकले वढेर वन्द भएको छ।

साताभर वजारमा जम्मा एक अर्ब चार करोड रुपैयाँको कारोवार भयो। आइतवारदेखि विहिबार सम्म भएको पाँच कारोवार दिनमा दुई दिन वजार वढ्यो भने तीन दिन वजार घट्यो।    

चालु आर्थिक वर्षको अन्तिम महिनाकौ सुरुवात देखीनै शेयर वजारको दैनिक सूचकमा सामान्य उतार चढाव देखिएको छ भने औसत कारोवार रकम २०/२२ करोडमा झरेको छ। वजारमा लगानीकर्ताले मौद्रिक नीतिमा आउने सम्वोधनलाई पर्खिदा वजारको चाल सुस्त देखिएको हो।

विहिबार १ सय ६४ कम्पनीका ११लाख ४८ हजार कित्ता शेयर २४ करोड २९ लाख रुपैयाँमा कारोवार भयो। सवैभन्दा वढी सोल्टी होटलको दुइ करोड ३५ लाख रुपैयाँको शेयर खरिद विक्री भएको छ।

कारोवारमा आएका १० समुहमा ६ उपसूचक घटेका छन्। तीन उपसूचक वढेका छन् भने ट्रेडिङमा कुनै परिवर्तन भएन। बैक ०.७१, जलविद्युत १.६५ र फाइनान्स ३.३३ अंकले वढेका छन्।

होटल ७.४८, विकास बैक ३.४३, वीमा १५.६७, उत्पादन मूलक १६.१२, अन्य २.८६ र लघुवित्त ०.४९ अंकले घटेका छन्। बिहिवार रिलायन्स फाइनान्सका शेयरधनीले ४ प्रतिशत कमाएका छन् भने नयाँ नेपाल लघुवित्तको शेयरधनीले करिव ७ प्रतिशत कमाए।