२० आषाढ/अर्थ र व्यापार– मौद्रिक नीतिमार्फत शेयर धितो कर्जाको सीमा बढाउने राष्ट्र बैंकको तयारी संगै शेयर बजारमा ८ अंकले सुधार आई  ११८८.४ अंकमा पुगेको छ ।

सेयर वजारलाई राहत पुग्ने गरी राष्ट्र बैंकले ५० प्रतिशतको सीमालाई ६० देखि ६५ प्रतिशतसम्म पु¥याउने गरी मौद्रिक नीति ल्याउने तयारी गरेको छ ।  

बुधवार नियमित कारोवारका लागि खुलेको शेयर बजार पहिलो १० मिनेटमै एक अंकले घटेको थियो । बजारले सवा एक घण्टासम्ममा साढे चार अंक गुमायो । त्यसपछि विस्तारै सम्हालिन थालेको थियो । 

सवा दुई बजेसम्म बजारले १० अंकको वृद्धि कायम गर्या े। तर, वृद्धि टिकाउ हुन सकेन र पुन सूचक तीन अंकको वृद्धिमा खुम्चियो । अन्तिम १५ मिनेटमा पाँच अंकको थप वृद्धिसँगै बजार आठ अंकले बढेर वन्द भएको छ ।

बुधवार १६९ कम्पनीका २५ करोड रुपैयाँ वरावरका शेयर खरिद विक्रि भएका छन् । सवैभन्दा वढि छिमेक लघुवित्त विकास बैंकको एक करोड ४६ लाख रुपैयाँ वरावरको शेयर खरिद विक्रि भएको छ । 

बुधवार कारोवारमा आएका सवै उपसूचक वढेका छन् । रैराङ् हाइड्रो पावरका शेयरधनीले करिव १० प्रतिशत गुमाउदा किसान माइक्रो फाइनान्सका शेयरधनीले करिव सात प्रतिशत कमाए ।