२६ भदौ / अर्थ र व्यापार – आइतबार भारी गिरावट भएको शेयर बजारमा सोमबार भने सामान्य सुधार देखिएको छ । कारोबार खुलेको पहिलो घण्टा करिब नौ अंकले घटेको बजार दोस्रो घण्टाबाट फर्किएको थियो । साढे १२ बजे करिब नौ अंक बढेर बजार सूचक १५२९ अंकसम्म उक्लिएको थियो । त्यसपछि लगातार घटेको सूचक कारोबारको अन्त्यमा थोरै बढेर बन्द भयो ।

सोमबार बजार मापक सूचक ३.६० अंकले बढेर १५२३.२६ अंकमा उक्लिएको छ । अघिल्लो दिन आइतबार सूचक ३४.८९ अंकले घटेको थियो । सोमबार सेन्सेटिभ इन्डेक्समा समेत सुधार देखिएको छ । ०.४४ अंकले बढेर ३१९.६७ अंकमा सेन्सेटिभ इन्डेक्स उक्लिएको छ ।

सोमबार १६० कम्पनीका १७ लाख १७ हजार कित्ता शेयर ८४ करोड १३ लाख रुपैयाँमा खरिद बिक्री भयो । आज सबैभन्दा बढी नबिल बैंकको शेयर खरिद बिक्री भयो । १० करोड २८ लाख रुपैयाँको कारोबार गर्दै  बैंकले कारोबार रकममा अग्रता कायम गर्यो ।

उपसूचक मिस्रित देखिएका छन् । आठ समूहको कारोबारमा पाँच समूहमा वृद्धि देखिएको छ भने तीन समूह घटेको छ । बैंक १.३९, फाइनान्स ०.६४ र अन्य १.१६ अंकले घटेको छ । होटल ३५.५६, विकास बैंक ११.०८, जलबिद्युत ६.३८, बीमा ८१.२५ र  उत्पादनमूलक ३०.६९ अंकले बढेको छ ।