५ असार / अर्थ र व्यापार - सोमबार पनि शेयर बजारको गिरावटले निरन्तरता पाएको छ । कारोबार खुलेदेखिनै घट्न सुरु गरेको बजारले एक पटक पनि पछाडी फर्केर हेरेन । सबै उपसुचकमा गिरावट आउँदा बजार २०.८२ अंकले घटेर १५५५.१६ झरेको छ । यस्तै क बर्गका कम्पनीहरुको कारोबार मापन गर्ने सेन्सेटिभ इन्डेक्स ४.२९ अंकले घटेर ३३०.३७ अंकमा झरेको छ । 

 पछिल्लो समय बैंकको ब्याजदर अझै बढ्ने हल्लाले बजारलाई थप घटाएको छ । कम्पनीहरुले दिने प्रतिफल टुंगो लाग्नु र शेयर आपूर्ति बढ्नु घट्ने अर्को कारण रहेको छ । साथै राजनैतिक अस्थिरताले बजारलाई घट्न सहयोग गरिरहेको छ ।

 सोमबार १३७ कम्पनीका आठ लाख कित्ता शेयर ६४ करोड रुपैयाँमा खरिद बिक्री भयो। ६०० प्रतिशत घोषणा गरेको एभरेष्ट इन्स्योरेन्सको सबैभन्दा बढी शेयर खरिद बिक्री भएको छ । एभरेष्टको १५ करोड रुपैयाँ बराबरको शेयर खरिद बिक्रि भएको हो। कारोबार रकमकै आधारमा एभरेष्ट बैंक दोस्रो स्थानमा रह्यो। बैंकको करिब ६ करोड रुपैयाँ बराबरको शेयर किनबेच भयो ।

 आज कारोबारमा आएका सबै उपसुचक राता देखिएका छन्। बैंक २०.३८, होटल १६.६२, विकास बैंक २१.३१, जलबिद्युत १८.५१, फाइनान्स १०, इन्स्योरेन्स १४२.८९, उत्पादनमुलक २३.२५ र अन्य २.३१ अंकले घटेका छन्।
 सोमबार २० अंकको गिरावटमा पनि तारा गाउँ रिजेन्सी होटलले सबै भन्दा बढी करिब चार प्रतिशत कमाएको छ ।