कात्तिक १२ / अर्थ र व्यापार - टुरिजम डेभेलोपमेण्ट बैंकले मेगा बैंक सँगको मर्जर प्रस्ताव पारित गर्न साधारण सभा बोलाएको छ । साथै बैंकले गतबर्षको कमाईबाट १७ करोड बराबरको बोनस वितरण गर्ने प्रस्ताव समेत गरेको छ । यी दुई बैंक मर्जरपछि बन्ने बैंकको चुक्तापूँजी झण्डै साढे दश अर्ब पूग्नेछ ।

 टुरिजम् को सातौ बार्षिक साधारण सभा मंसीर ४ गते कार्की बैकट बबरमहलमा हुने भएको छ । टुरिजम्ले साबिकको मातृभूमि बिकास बैक र कन्चन डेभलोपमेण्ट बैकको गरी १७ करोड १० लाख ७७ हजार ५ सय रुपैयाँको बोनस सेयर वितरण गर्ने प्रस्ताव गरेको छ ।
टुरिजम्को चुक्ता पुँजीको २ अर्ब २३ लाख छ । बोनसपछि बैंकको पूँजी २ अर्ब १७ करोड ३३ लाख नाघ्नेछ ।

यसैगरी साधारण सभामा मेगा बैकसँगको मर्जर प्रस्ताव समेत पारित गरिने भएको छ । मर्जरका लागि दुबै बैंकको चलअचल सम्पत्ति दायित्व तथा कारोबार मूल्याँकन प्रतिवेदन टुरिजम्का १ सयज्ञ रुपैयाँको शेयर बराबर मेगामा म्५ रुपैयाँ हुने गरी स्वाप रेसियो कायम गर्न सभामा प्रस्ताव पेश गर्नेछ । मेगा बैंकको ६५ प्रतिशत हकप्रद निष्काशन पुरा भएपछि यी दुई बैंकको मर्जर प्रकृया अगाडी बढ्न लागेको हो । मेगाले ६५ प्रतिशत हकप्रद शेयर निष्काशन गरी चुक्तापुँजी ७ अर्ब ५६ करोड रुपैयाँ पुर्याएको छ । गत आर्थिक वर्षको नाफाबाट बोनस सेयर वितरणपछि मर्जरबिनै मेगा बैंकको चुक्तापुँजी ८ अर्ब रुपैयाँ पुग्नेछ । टुरिजम् र मेगा बैंक गाभिएपछि बन्ने मेगा बैंकको चुक्तापूँजी झण्डै साँढे दश अर्ब पुग्ने देखिन्छ ।