बुधबार माछापुच्छे बैंकको लिलामी सेयर बाँडफाँड भयो,
कात्तिक १६ / अर्थ र व्यापार - माछापुच्छ्रे बैंकको सेयर लिलामी बुधबार बाँडफाँड भएको छ । बैंकको सेयर विक्री प्रबन्धक एनएमबि क्यापिटलले दिएको जानकारी अनुसार बैंकको साधारण सेयर ३०४ रुपैयाँ मूल्य बोलकबोल गर्ने लगानीकर्ताले प्राप्त गर्ने देखिएको छ । उता संस्थापक सेयरमा १५७ रुपैयाँभन्दा माथि बोलकबोल गर्नेले प्राप्त गरेका छन् ।
बिक्री प्रबन्धक एनएमबि क्यापिटलका प्रमुख सञ्चालन अधिकृत कमल नेपालले साधारण सेयरमा ४ हजार ८३९ जनाले आवेदन दिएकोमा प्रारम्भिक तथ्याङ्क अनुसार ३०४ रुपैयाँ वा सो भन्दा बढी मूल्यमा बोलकबोल गर्नेले सेयर प्राप्त गर्ने देखिएको जनाएका छन् । अन्तिम तथ्याङ्कमा केही तलमाथि पर्नसक्ने उनको भनाई छ । साधारण सेयरमा लागि लगानीकर्ताले अधिकतम ३८१ रुपैयाँसम्मको बोलपत्र पेश गरेका थिए । संस्थापक सेयरमा ७ जनाको आवेदन परेकोमा ५ जनाले सेयर प्राप्त गरेका छन् । संस्थापक सेयरका लागि अधिकतम २१७ रुपैयाँसम्मको बोलपत्र पेश भएको थियो ।
बैंकले गत साउन ५ देखि भदौ ७ गतेसम्म १२ प्रतिशत बराबरको ७९ लाख १८ हजार ४४० कित्ता हकप्रद सेयर बिक्री खुला गरेकोमा कात्तिक ५ गतेदेखि अवितरित एक लाख ४० हजार ७४० कित्ता साधारण सेयर तथा २० हजार दुई कित्ता संस्थापक समूहको सेयर लिलामीमा ल्याएको थियो ।
बैंकले गत आवको नाफाबाट हकप्रदले समेत पाउने गरि ९ प्रतिशत बोनस सेयर तथा ६ प्रतिशत नगद लाभांश दिने घोषणा गरिसकेको छ । प्रस्तावित बोनसपछि बैंकको चुक्ता पूँजी ८ अर्ब ५ करोड ५६ लाख ९२ हजार रुपैयाँ पुग्नेछ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया