कात्तिक १३ / अर्थ र व्यापार - लक्ष्मी लघुवित्तले प्रतिसेयर आम्दानी सन्तुलन गर्न नसकेको देखिएको हो । विभिन्न शिर्षकमा भएका खर्चको आकार बढेका कारण लघुवित्तको कमाई घटेको देखिएको हो । आम्दानीको अवस्था ठिकै हुँदा खर्चका कारण सञ्चालन मुनाफा प्रभावित बनेको छ । चालु आर्थिक वर्षको पहिलो त्रैमासमा लघुवित्तले २ करोड १२ लाख १२ हजार रुपैयाँ खुद नाफा कमाएको छ । गत आर्थिक वर्षको यसै अवधिमा लघुवित्तले २ करोड ४८ लाख ७३ हजार रुपैयाँ खुद नाफा गरेको थियो ।

लघुवित्तको विभिन्न शिर्षकमा भएका आम्दानीको आकार राम्रो अवस्थामा छन् । तर खर्चको आकार धेरै बढे पछि उसको कमाई घट्दो अवस्थामा गएको हो । गत आर्थिक वर्षको यसै अवधिमा लघुवित्तको प्रतिसेयर आम्दानी ९० रुपैयाँ ४५ पैसा थियो । अहिले उसको प्रतिसेयर आम्दानी ३७ रुपैंया २० पैसा कायम भएको छ । गत आर्थिक वर्षको पहिलो त्रैमासमा मूल्य अम्दानी अनुपात २० गुणा बढी रहेको कम्पनीको अहिले ४३ गुणाभन्दा बढी छ । यो अवस्था लगानीकर्ताका लागि कति जोखिमयुक्त छ भनेर चनाखो हुनुपर्ने देखिन्छ ।