कात्तिक १० /  अर्थ र व्यापार - कन्काई विकास बैकंले लिलामीमा राखेको शेयरमा आवेदन गर्ने म्याद थप गर्नुपर्ने भएको छ । बैंकले निष्काशन गरेको लिलामीको शेयरमा आवेदन गर्ने अन्तिम दिन शुक्रबार एक्कासी सरकारले सार्वजनिक विदा घोषणा गरेपछि म्याद थप्नुपर्ने भएको हो ।

बैंंकले यस अघि हकप्रद शेयर विक्री खुला गरी बाँकी रहेको संस्थापक तर्फको ३ लाख ८१ हजार ६ सय ५० कित्ता र सर्वसाधारण तर्फको १ लाख ६८ हजार २ सय ८७ हजार कित्ता अवितरित हकप्रद शेयर असोज ३१ देखि लिलाम विक्री खुला गरेको थियो । जसमा आवेदन गर्ने म्याद आज अन्तिम थियो ।सरकारले विहीबार मात्रै छठको अवसरमा शुक्रबार पनि थप एकदिन सार्वजनिक विदा दिने घोषणा गरेको थियो । अब कम्पनीले आइतबार एकदिन लिलामीको सेयरमा आवेदन गर्ने म्याद थप्नु पर्ने देखिएको छ ।

यस अघि बैंकले १ बराबर २ दशमलव १४ को अनुपातमा प्रतिशेयर एक सय रुपैयाँ अङ्कित दरका ३२ लाख १० हजार कित्ता हकप्रद शेयर निष्कासन गरेको थियो । आवेदकहरुले शेयर खरीद गर्दा न्यूनतम सय कित्ता र अधिकतम सम्पूर्ण शेयरको लागि आवेदन दिन सक्नेछन् ।बैंकको विक्री प्रबन्धक सिद्धार्थ क्यापिटल लिमिटेड रहेको छ ।