९ कात्तिक / अर्थ र व्यापार– काठमाडौं, एभरेष्ट बैंकले चालु आर्थिक बर्षको पहिलो त्रैमाशमा ५३ करोड १ लाख रुपैयाँ खुदा मुनाफा आर्जन गको छ । बैंकले गत आर्थिक बर्षको यसै अवधिमा ५१ करोड ३४ लाख रुपैयाँ नाफा गरेको थियो् ।
बैंकले असोजसम्ममा खुद ब्याज आम्दानी एक अर्ब तीन करोड रुपैयाँ गरेको छ भने गत बर्षको यहि अबधिमा ९१ करोड ८ लाख रुपैयाँ थियो । जुन अघिल्लो बर्षको तुलनामा १३ प्रतिशतले बढि हो । 
 
बैंकले असोज मसान्तसम्ममा ९९ अर्ब ३७ करोड निक्षेप संकलन गरि ८१ अर्ब ८५ करोड रुपैयाँ ऋण लगानी गरेको छ । गत बर्षको यहि अबधिमा बैंकले ८९ अर्ब १५ करोड रुपैयाँ निक्षेप संकलन गरि ६९ अर्ब ५३ करोड रुपैयाँ ऋण लगानी गरेको थियो । 
 बैंकले एक बर्षमा चुक्ता पूँजी तीन गुणाले बढाएको छ । गत असोज मसान्तमा दुई अर्ब ७४ करोड रुपैयाँ रहेको पूँजी एक बर्षमा छ अर्ब ११ करोड रुपैयाँ पुर्याएको छ। बैंकले यस बीचमा सुरुमा ७० प्रतिशत बोनस शेयर र बोनस शेयर जारी पछिको पूँजीमा ३३ प्रतिशत हकप्रद दिएकव थियो। बैंकको जगेडा कोषमा ६ अर्ब ६७ करोड रुपैयाँ रहेको छ ।
 
बैंकको पूँजी पूँजी कोष अनुपात एक बर्षमा २.२४ प्रतिशत बिन्दुले बढेर १५.४६ प्रतिशत पुगेको छ ।बैंकले खराब कर्जा ०.३६ प्रतिशतबाट घटाएर  ०.२६ प्रतिशतमा झारेको छ । बैंकले दुई गुणा पूँजी बढाउँदा प्रति शेयर आम्दानी आधाले घटेको छ । बैंकको गत बर्षको यहि अबधिमा ७८ रुपैयाँ रहेको प्रतिशेयर आम्दानी ३५ रुपैयाँमा झारेको छ ।