बुधबार सेयर बजारमा एक अर्बको सेयर कारोबार
१४ मंसिर / अर्थ र व्यापार - २०७४ बुधबार सेयर बजारमा १ अर्ब रुपैयाँभन्दा बढीको कारोबार भएको छ । यो करिब ४ महिनायताकै उच्च वृद्धि हो । अघिल्लो दिन १० अंकले बढेको नेप्सेमा बुधबार १२.२६ अंकले उकालो लागेको छ । योसँगै नेप्से परिसूचक १ हजार ५ सय ३६.१२ अंकमा पुगेको छ । कारोबारमा आएकामध्ये उत्पादन तथा प्रशोधनबाहेक सबै समूहको परिसूचक बढेपछि समग्र नेप्सेको वृद्धिमा टेवा पुगेको हो ।
करिब ८ हजार १ सय ६९ कारोबारबाट १ सय ६३ कम्पनीका २० लाख ५७ हजार १ सय ६५ कित्ता सेयर किनबेच भए । ती किनबेचबाट १ अर्ब ५ करोड रुपैयाँ बराबरको सेयर कारोबार भएको छ । अघिल्लो दिनको तुलनामा यो करिब ८३ प्रतिशतले बढी हो । परिसूचकको वृद्धिसँगै सेयर बजारको आकार (कुल बजार पुँजीकरण) पनि बढेर १७ खर्ब ८४ अर्ब रुपैयाँ कायम भएको छ ।
दिनभरको कारोबार उतारचढावपूर्ण नै रहयो । यद्यपि बिक्री चापको तुलनामा खरिद चाप धेरै भएकाले कारोबार रकम उल्लेख्य रूपमा बढेको विज्ञहरू बताउँछन् । ‘पछिल्ला एकरदुई दिनयता बजारमा खरिद चाप बढ्न थालेको छ,’ एक धितोपत्र ब्रोकरले भने, ‘यही क्रम जारी रहे अझै केही दिन सेयर बजार सुधारको बाटोमा रहने सम्भावना छ ।’ उक्त दिन ‘क’ वर्गका कम्पनीको कारोबार मापक सेन्सेटिभ परिसूचक ०.८ प्रतिशत र कारोबारमा रहेका कम्पनीहरूको सेयर कारोबार मापक फ्लोट परिसूचक ०.८६ प्रतिशतले बढयो । कारोबरमा आएकामध्ये १ सय २२ कम्पनीको सेयर मूल्य बढयो, २७ कम्पनीको घटयो र बाँकी १४ कम्पनीको सेयर मूल्य स्थिर छ ।
बुधबार उत्पादन तथा प्रशोधन समूहको परिसूचक १.३ प्रतिशतले ऋणात्मक रहयो । बाँकी सबै समूहका परिसूचक बढे । जसमध्ये होटल र माइक्रोफाइनान्स समूहका परिसूचक क्रमशस् २.४५ र २.२९ प्रतिशतले बढे । यसैगरी बैंकिङ समूहको परिसूचक ०.६६, व्यापारको १.४, विकास बैंकको ०.७५, जलविद्युत्को ०.४७, वित्त कम्पनीको ०.७४, बिमाको १.२५ र ‘अन्य’ का ०.३६ प्रतिशतले उकालो लागे ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया