सामान्य अंकले घट्यो सेयर बजार

100 पटक पढिएको

११ जेठ/अर्थ र व्यापार – यस साताको पहिलो कारोबार दिन आइतबार सेयर बजारको परिसूचक नेप्से ८ दशमलब ५७ अंक घटेर २६ सय ७९ दशमलब ९८ विन्दुमा कायम भएको छ ।
यसदिन नेप्सेसँगै कारोबार रकम पनि घटेको छ । अघिल्लो दिन ९ अर्ब ८२ करोडको कारोबार भएकोमा यसदिन ७ अर्ब ६० करोड ९५ लाख ४२ हजार २ सय १२ रुपैयाँको सेयर कारोबार भएको छ ।
९९ वटा कम्पनीको सेयर मूल्य बढेको छ । १सय ४८ वटा कम्पनीको सेयर मूल्य घटेको छ । एउटाको स्थिर रहेको छ । यसदिन माइक्रोफाइनान्स उपसमुहको सेयरमूल्य २ दशमलब ३२ प्रतिशतले बढेको छ । त्यसपछि व्यापार उपसमुहको सेयरमूल्य शुन्य दशमलब १३ प्रतिशतले बढेको छ । यी दुईवटा बाहेक अरु सबै उपसमुहको सेयरमूल्य घटेको छ ।
बैंकिङ उपसमुहको ०.६६ प्रतिशत, विकास बैंक उपसमुहको १.४६ प्रतिशत , फाइनान्स उपसमुहको ०.९९ प्रतिशत , होटल तथा पर्यटन उपसमुहको १.७५ प्रतिशत , हाइड्रोपावर उपसमुहको ०.३६ प्रतिशत, लगानी उपसमुहको १.०३ प्रतिशत, जीवन बीमा उपसमुहको ०.३३ प्रतिशत, उत्पादन उपसमुहको ०.०३ प्रतिशत, निर्जीवन बीमा उपसमुहको ०.१० प्रतिशत र अन्य उपसमुहको शून्य दशमलब ४५ प्रतिशतले सेयरमूलय घटेको छ ।
यसदिन सिन्धु विकास बैंकको सेयरमूल्य ८.२८ प्रतिशतले घटेको छ । बाराही हाइड्रोपावरकमो ६.७६ प्रतिशत , सप्तकोशी विकास बैंकको ५.०७ प्रतिशतले सेयरमूल्य घटेको छ । धेरै कारोबार भएका पाँच कम्पनीमा राधि विद्युत्, युनिभर्सल पावर, ङादी ग्रुप, युनाइटेड मोदी हाइड्रोपावर र हिमालयन पावर पार्टनर क्रमशः अगाडि रहेको छ ।
आइतबार ओम मेगाश्री फर्मास्युटिकल्सको सेयरमूल्य सबैभन्दा धेरै १० प्रतिशतले बढेको छ । रिभर फल्स पावरको ७ दशमलब ५६ प्रतिशत , लक्ष्मी लघुवित्तको ६.२८ प्रतिशत, उन्नति सहकार्य लघुवित्तको ६.१६ प्रतिशत, नेरुडे मिर्मिरे लघुवित्तको ५.८५ प्रतिशतले सेयरमूल्य बढेको छ ।

तपाईको प्रतिक्रिया

सम्बन्धित शीर्षकहरु

१७.४४ अंकले बढ्यो सेयर बजार