२१ जेठ/अर्थ र व्यापार – आइतबार बढेको सेयर बजार पुनः ओरालो लागेको छ । सोमबार नेप्से परिसूचक ३.९७ अंकले घटेर २०७९.०७ को विन्दुमा झरेको छ।
माइक्रोफाइनान्स बाहेकका उपसमूहले बजार घटाएका हुन् । माइक्रोफाइनान्स उपसमूहको सूचक २.४३ प्रतिशतले वृद्धि भएको छ । उत्पादन तथा प्रशोधन उप समूहको सूचक सर्वाधिक १.०५ प्रतिशतले घटेको छ ।
कारोबारमा आएका ३ सय १६ मध्ये १ सय १० कम्पनीको सेयर मूल्य बढेको छ । बुद्धभूमि नेपाल हाइड्रोपावरको सर्वाधिक ९.६६ प्रतिशत सेयर मुल्य बढेको छ।
यसदिन १ सय २९ कम्पनीका लगानीकर्ताले गुमाएका छन्। एनआइबिएल स्टेबल फन्डका लगानीकर्ताले सर्वाधिक १० प्रतिशतले गुमाएका छन्।
सोमबार ४ अर्ब ४० लाख रुपैयाँको सेयर कारोबार हुँदा सर्वाधिक एनआरएन इन्फ्राइस्ट्रक्चर डेभलपमेन्टको १४ करोड ८५ लाख ९५ हजार रुपैयाँको सेयर किनबेच भएको छ ।
पोखरा फाइनान्सको १३ करोड ८६ लाख र ग्रीन भेञ्चर्सको १२ करोड ४० लाख रुपैयाँको सेयर कारोबार भएको छ ।