२१ जेठ/अर्थ र व्यापार – साल्ट ट्रेडिङ कर्पोरेसन र डेप्रोक्स लघुवित्त वित्तीय संस्थाको बोनस सेयर नेपाल स्टक एक्सचेन्ज (नेप्से) मा सूचीकृत भएको छ ।
सोमबार डेप्रोक्स लघुवित्तको १५ लाख ५१ हजार ८८ कित्ता र साल्ट ट्रेडिङ कर्पोरेसनको ४ लाख १८ हजार ३२६ कित्ता बोनस सेयर सूचीकृत भएको हो । योसँगै नेप्सेमा १९ लाख ६९ हजार ४ सय १४ कित्ता सेयर थपिएको छ ।
साल्ट ट्रेडिङ कर्पोरेसनले आर्थिक वर्ष २०७९/८० को मुनाफाबाट १५ प्रतिशत बोनस सेयर दिएको थियो । योसँगै कम्पनीको चुक्ता पुँजी ३२ करोड ७ लाख १७ हजार १०० रुपैयाँ कायम भएको छ ।
डेप्रोक्स लघुवित्त लघुवित्तले गत आर्थिक वर्षको नाफाबाट १० प्रतिशत बोनस सेयर वितरण गरेको थियो । सूचीकृत बोनस सेयरपछि कम्पनीको चुक्ता पुँजी १ अर्ब ७० करोड ६१ लाख ९७ हजार रुपैयाँ पुगेको छ ।