logo

सेयर बजारमा जीवन बीमा कम्पनीको आकर्षण , झन्डै ६६ अर्ब रुपैयाँ लगानी

    60   पटक पढिएको

९ मंसिर /अर्थ र व्यापार – सेयर बजारमा सर्वसाधारणको लगानी बृद्धि हुनेक्रम बढेसँगै अहिले जीवन बीमा कम्पनीहरुको आकर्षण ह्वात्तै बढेको पाईएको छ । हाल जीवन बीमा कम्पनीहरुले सेयर बजारमा झन्डै ६६ अर्ब रुपैयाँ लगानी गरेका छन् । 
चालु आर्थिक वर्ष २०७८/७९ को पहिलो त्रैमासको अवधिमा विभिन्न १९ वटा जीवन बीमा कम्पनीहरुले ६५ अर्ब ६९ करोड २९ लाख रुपैयाँ सेयर बजारमा लगानी गरेका हुन् ।
बीमा कम्पनीहरुले सेयर बजारसँग सम्बन्धित क्षेत्र सूचीकृत पब्लिक कम्पनीको साधारण सेयर, बैंक तथा वित्तीय संस्थाको अग्राधिकार शेयर तथा ऋणपत्र, सूचीकृत पब्लिक कम्पनीको सुरक्षित डिबेन्चर, म्युचअल फण्ड र नागारिक लगानी कोषमा लगानी गरेका हुन्।
कम्पनीहरुले सूचीकृत पब्लिक कम्पनीको साधारण शेयरमा १५ अर्ब ६९ करोड रुपैयाँ लगानी गरेका छन् । कम्पनीहरुले बैंक तथा वित्तीय संस्थाको अग्राधिकार सेयर र ऋणपत्रमा २५ अर्ब १४ करोड रुपैयाँ, सूचिकृत पब्लिक कम्पनीको सुरक्षित डिबेञ्चरमा २१ अर्ब ८३ करोड रुपैयाँ लगानी गरेका छन् ।
बीमा समितिले उपलब्ध गराएको तथ्यांक अनुसार जीवन बीमा कम्पनीहरुले बचतपत्रमा २ अर्ब ४ करोड रुपैयाँ लगानी गरेका छन् भने म्युचुअल फण्ड र नागरिक लगानी कोषमा कम्पनीहरुले ९८ करोड रुपैयाँ लगानी गरेका छन् ।
यसअवधिमा सेयर बजारमा सबैभन्दा धेरै लगानी एलआइसी नेपालले गरेको छ । कम्पनीले चालु आवको पहिलो त्रैमासको अवधिमा सेयर बजारमा ११ अर्ब ८३ करोड रुपैयाँ लगानी गरेको छ । 
कम्पनीले सूचीकृत पब्लिक कम्पनीको साधारण सेयरमा २ अर्ब ६७ करोड रुपैयाँ लगानी गरेको छ । बैंक तथा वित्तीय संस्थाको अग्राधिकार सेयरमा ९ अर्ब रुपैयाँ, सूचीकृत पब्लिक कम्पनीको सुरक्षित डिबेञ्चरमा ७ अर्ब ३३ करोड रुपैयाँ र म्युचुअल फण्ड तथा नागरिक लगानी कोषमा ८ करोड रुपैयाँ लगानी गरेको छ ।
यस अवधिमा जीवन बीमा कम्पनीहरुले सूचीकृत पब्लिक कम्पनीको साधारण सेयरमा पनि १५ अर्ब ६९ करोड रुपैयाँ लगानी गरेका छन् । सबैभन्दा धेरै नेपाल लाइफले लगानी गरेको छ । चालु आवको पहिलो त्रैमासको अवधिमा कम्पनीले सो क्षेत्रमा ४ अर्ब ६ करोड रुपैयाँ लगानी गरेको छ ।
यसैगरि, एलआइसी नेपालले २ अर्ब ६७ करोड रुपैयाँ, नेशनल लाइफले १ अर्ब ३८ करोड रुपैयाँ, एशियन लाइफले एक अर्ब १ अर्ब ८१ करोड रुपैयाँ लगानी गरेका छन् ।
१९ जीवन बीमा कम्पनीहरुले चालु आवको पहिलो त्रैमासको अवधिमा बैंक तथा वित्तीय संस्थाको अग्राधिकार सेयरमा २५ अर्ब १४ करोड रुपैयाँ लगानी गरेका छन् ।
यस अवधिमा सो क्षेत्रमा एलआइसी नेपालले सबैभन्दा धेरै लगानी गरेको छ । कम्पनीले ९ अर्ब ८ करोड रुपैयाँ लगानी गरेको छ । यस्तै, नेपाल लाइफले ३ अर्ब ४१ करोड रुपैयाँ, यूनियन लाइफले ३ अर्ब २४ करोड रुपैयाँ, सूर्या लाइफले २ अर्ब ७ करोड रुपैयाँ लगानी गरेका छन् ।
समितिले बीमकको लगानी निर्देशीका, २०७५ जारी कम्पनीहरुले लगानी गर्नुपर्ने क्षेत्र तोकिदिएको छ । निर्देशिका बमोजिम कम्पनीहरुले कुल टेक्निकल रिजर्भको २० प्रतिशत लगानी कृषि पर्यटन र जलस्रोत लगायत पुर्वाधारमा गर्नुपर्ने व्यवस्था छ । लगानी निर्देशिका अनुसार ५ प्रतिशत नेपाल सरकार वा राष्ट्र बैंकको बचतपत्र वा ऋणपत्रमा, ४० प्रतिशत वाणिज्य बैंकको मुद्दति निक्षेपमा, विकास बैंकको मुद्दतिमा २० प्रतिशत र वित्त कम्पनीको मुद्दति निक्षेपमा १० प्रतिशत, ५ प्रतिशत घरजग्गा ब्यवसायमा र २० प्रतिशत पब्लिक कम्पनीको साधारण सेयरमा लगानी गर्न सक्छन् ।

लगानी निर्देशिका अनुसार कम्पनीहरुले २० प्रतिशत ऋणपत्रमा, नागरिकलगानी कोष तथा म्युचुअल फण्डमा ५ प्रतिशत र बैंक तथा वित्त कम्पनीको साधारण सेयरमा २० प्रतिशत लगानी गर्न पाउँछन् । 

तपाईको प्रतिक्रिया

सम्बन्धित शीर्षकहरु

मुख्य खबर

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

निर्वाचन आयोगद्वारा लेखा प्रतिवेदन नबुझाउने ४१ दलको दर्ता खारेज

निर्वाचन आयोगले तीन वर्षसम्म लेखा प्रतिवेदन नबुझाउने विभिन्न ४१ वटा राजनीतिक दलहरूकोे दर्ता खारेज गरेको छ । 

भुक्तानी नपाएपछि पुनः आन्दोलन गर्ने तयारीमा उखु किसान

किसानहरुलाई कमजोर, निमुखा सम्झेर फेरि पनि रकम नदिने षड्यन्त्र उद्योगी र सरकारबाट भएको भन्दै भदौ ५ गतेसम्म बक्यौता भुक्तानी नपाए पुनः आन्दोलन गर्ने चेतावनी किसानहरुले दिएका छन् ।

मनोरञ्जन

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।

कमल खनालको रुमाल बोलको गीत सार्वजनिक

गायक तथा सर्जक कमल खनालको शब्द र संगीत रहेको रुमाल बोलको गीत सार्वजनिक भएको छ । गीतमा गायिका अन्जु पन्त र गायक तथा सर्जक कमल खनालको स्वर रहेको