२२ कात्तिक/ अर्थ र व्यापार – सोमबार सेयर बजारको परिसूचक नेप्से १९.२ अंकले घटेको छ । सो अंकको गिरावटसँगै नेप्से परिसूचक २८२९ मा झरेको छ । सोमबा कारोबार रकममा पनि गिरावट आएको छ । जसका कारण सेयर बजारमा जम्मा ४ अर्ब ४२ करोड रुपैयाँको मात्र सेयर किनबेच भएको थियो । 
यसअघि बुधबार ६ अर्ब ५५ करोड ३० लाख रुपैयाँ बराबरको सेयर कारोबार भएको थियो । सो अवधीमा फाइनान्स उपसमूह २१ अंकले बढ्यो भने लगानी उपसमूह झिनो अंकमा हरियो रह्यो । बैंकिङ १९, ब्यापार १४, होटल तथा पर्यटन २९ , विकास बैंक ७०, जलविद्युत १३, निर्जीवन बीमा १३७, उत्पादन २९, अन्य २३, माइक्रोफाइनान्स ५५, जीवन बीमा उपसमूह १०० अंकले घटेको थियो ।

कुल ४२ कम्पनीको मूल्य बढ्यो भने १४२ कम्पनीको मूल्य घटेको थियो । ३ कम्पनीको मूल्य स्थिर रहेको थियो ।
चार कम्पनीको मूल्य १० प्रतिशतले बढेको थियो । साहस उर्जा, आइसिएफसी फाइनान्स, तेह्रथुम पावर र मानुषी लघुवित्तको मूल्य १० प्रतिशतले बढेको छ । हालै बजारमा सूचीकृत साहस उर्जाको मूल्य बढेर प्रतिकित्ता ६५२ रुपैयाँ ५० पैसा पुगेको छ । यसैगरि, महालक्ष्मी विकास बैंकको मूल्य ९.८ प्रतिशतले बढेको नेपाल स्टक एक्सचेन्ज लिमिटेडले जनाएको छ ।