२० मंसिर/ अर्थ र व्यापार – राजश्व अनुसन्धान विभागले कवाड सप्लायर्स व्यापारीमाथि झन्डै ४५ करोडको मुद्दा दायर गरेको छ । आफ्नो अनुगमन तथा निगरानीलाई तिब्र बनाएको विभागले अर्कै कम्पनीको नाममा सामान खरिद गरि २२ करोड भन्दाबढी रुपैयाँ राजश्व छल्ने कबाडी व्यापारीमाथि झन्डै ४५ करोड रुपैयाँको मुद्दा दायर गरेको हो । 
रूपन्देही जिल्लाको समरीमाही गाउँपालिका–६ स्थित कशौधन कवाड सप्लायर्सका सञ्चालक प्रमोद कुमार गुप्ताले २२ करोड ३६ लाख ९३ हजार ४७९ रूपैयाँ राजश्व छलेको भन्दै त्यसको डबल ४४ करोड ७३ लाख ८६ हजार ९५८ रूपैयाँ मागदाबी सहित विभागले तुल्सीपुर उच्च अदालत बुटवलमा मुद्दा दायर गरेको जनाएको छ ।
सो सप्लायर्सका सञ्चालक गप्ता र अर्का आरोपी गोबिन्द कुमार कशौधनलले राजस्व चुहावट गर्ने मनसाय राखेर अरुकै फर्मको नामबाट सामान खरिद गरी सो सामान विभिन्न व्यक्तिहरुलाई विक्री गरी त्यसको लेखांकन नगरी मुल्यअभिबृद्धिकर तथा आयकर छली गरेको आरोप विभागको छ । उनीहरुले मुल्यअभिबृद्धिकर तर्फ ६ करोड ३१ लाख ४८ हजार २६६ रुपैयाँ र आयकर तर्फ १६ करोड ५ लाख ४५ हजार २१३ रूपैयाँ राजश्व छली गरेको पाईएको अनुसन्धानबाट खुलेको विभागले जनाएको छ । 
रुपन्देहीको समरिमाही गाउँपालिका –६  स्थायी ठेगाना भएका कशौधन कवाड सप्लायर्स (स्थायी लेखा नं. ३०५१४३०२४ भएका सोही फर्मका प्रोपराइटर ३२ वर्षिय गुप्ता र अर्का व्यापारि गोविन्दकुमार कौशधन लगायत बिरुद्ध विभागले उनीहरुले छलिगरेको राजश्व २२ करोड ३६ लाख ९३ हजार ४७९ रुपैयाँ विगो र सोही रकमको शतप्रतिशत अर्थात यसको दोब्बर ४४ करोड ७३ लाख ८६ हजार ९५८ रुपैयाँ असुल गर्नेगरि अदालतमा मुद्दा दायर गरिएको विभागले बताएको छ ।  
विभागका महानिर्देशक प्रकाश पौडेलले यस विभागका अनुसन्धान अधिकृतहरुको विशेष निकरानीका कारण अहिले राजश्ज छलिमा संलग्न यस्ता व्यक्ति तथा फर्महरुलाई धमाधम बाहिर ल्याउने काममा सफलता मिलेको बताए । 
विभागका अनुसार राजश्व छलिमा संलग्न उनीहरुको सो फर्मले मूल्य अभिबृद्धि कर तफ ६ करोड ३१ लख ४८ हजार २ सय ६६ रुपैयाँ र आयकरतर्फ १६ करोड ५ लाख ४५ हजार २ सय १३ रुपैयाँ गरी कुल २२ करोड ३६ लाख ९३ हजार ४७९ रुपैयाँ राजश्व छलि गरेको अनुसन्धानबाट खुलेको छ । अब उनीहरुमाथी राजश्व अनुसन्धान तथा नियन्त्रण पहिलो संसोधन ऐन २०५२ को दफा २३ को उपदफा १ बमोजिम राजश्व छलिगरिएको रकम बराबरको बिगो र सोही बिगोको शतप्रतिशत जरिवाना र तीन वर्षसम्म कैद संजायको माग दावी सहित मुद्दा दायर गरिएको छ । 
सरकारले राजश्व छल्लेहरुमाथी बढाएको तिब्र अनुगमन तथा निगरानीसँगै अहिले राजश्व छलिका अनेकौं रुप धमाधम बाहिरिन थालेको छ । पछिल्लो समय विभिन्न तरिका अपनाएर राजश्व छलिमा संलग्न तथा संकास्पद व्यक्ति र फर्महरुमा गरिएको निगरानीकै कारण अहिले अनेक रुपमा राजश्व छलिगर्नेहरुलाई समानेर विभिन्न अदालतमा मुद्दा दायर गरि कानुनी दायरामा ल्याउन सफल भएको राजश्व अनुसन्धान विभागले जनाएको छ । 
आफ्नो अनुगमन तथा निगरानीलाई तिब्र बनाएको विभागले अर्कै कम्पनीको नाममा सामान खरिद गरि करोडौं रुपैयाँ राजश्व छल्ने कबाडी व्यापारीमाथि झन्डै ४५ करोड रुपैयाँको मुद्दा दायर गरेपछि राजश्व छलिमा यस्ता अनेक रुप भईरहेको तथ्य बाहिर ल्याएको हो । 
यसअघि पनि विभागले फल्स बटम बनाएर, नक्कली विजक बनाएर र विभिन्न व्यक्तिहरु तथा मजदुरको नाममा नक्कली फर्म खोलेर करोडौं रुपैयाँ राजश्व छल्नेहरुलाई विभिन्न अदालतमा मुद्दा दायर गरेको बताउँदै आएको छ । अहिलेसम्म यस्ता अनेक तरिका अपनाएर गरिने राजश्व छलिका घटनाहरुको संख्या पनि हजारौं भईसकेको सो विभागले जनाएको छ ।