अब घरजग्गा कारोबार गर्न ३ करोडमाथिको कम्पनी अनिवार्य

787 पटक पढिएको

२९ असोज/अर्थ र व्यापार – अब घरजग्गा कारोबार गर्नकालागि अनिवार्य रूपमा ३ करोड रूपैयाँ भन्दा माथिको कम्पनी हुनुपर्ने भएको छ । सरकारले कम्पनीमार्फत गर्नुपर्ने घरजग्गा कारोबारका लागि नयाँ सीमा तोकेको हो ।
जेन्जी आन्दोलनपछि गठन भएको प्रधानमन्त्री शुशिला कार्की नेतृत्वको अन्तरिम सरकारले अब ३ करोड रूपैयाँ भन्दामाथिको घरजग्गा कारोबार गर्नका लागि अनिवार्य रियलस्टेट कम्पनी दर्ता गर्नुपर्ने नयाँ मापदन्ड तोकेको छ । जसकालागि कम्पनी दर्ता भएपछि क्षेत्रफल जतिसुकै हुने व्यवस्थासहित यस्तो सीमा निर्धारण गरेको छ ।
मालपोत ऐनको दफा २६ क र खको व्यवस्था कार्यान्वयनका लागि सरकारले राजपत्रमा सूचना प्रकाशित गर्दै ३ करोड रूपैयाँसम्मको घरजग्गा किनबेचका लागि भने कम्पनी दर्ता गर्नु नपर्ने व्यवस्था गरेको छ ।
मालपोत ऐनमा तोकिएको क्षेत्रफल वा तोकिएको रकमको सीमाभन्दा बढीको घरजग्गा कारोबार कम्पनी दर्ता गरेर गर्नुपर्ने व्यवस्था छ । सो ऐनले जग्गाको क्षेत्रफल वा सीमाबारे नेपाल राजपत्रमा सूचना प्रकाशन गरेर तोकिने भएको छ ।
सरकारले गरेको यस्तो नयाँ व्यवस्थासँगै भूमि व्यवस्था सहकारी तथा गरिबी निवारण मन्त्रालयले घरजग्गा कारोबारलाई सहज बनाउन लागेको हो । यो नियम कार्यान्वयनमा लगाउन सरकारले राजपत्रमा प्रकाशन गरेको सूचनाअनुसार १ पटकमा ३ करोड रूपैयाँसम्मको घरजग्गा किनबेचका लागि कम्पनी आवश्यक नपर्ने भएको छ । तर, एक पटकमा ३ करोड रूपैयाँ भन्दा बढीको घरजग्गा कारोबार गर्न अनिवार्य कम्पनी दर्ता गर्नुपर्ने उल्लेख गरिएको छ ।

तपाईको प्रतिक्रिया

सम्बन्धित शीर्षकहरु

क्वारेन्टाइनमा कडाइ गरेपछि भारतबाट आउने केराको आयात घट्यो

सरकारले ६ महिनामा दियो ५३ अर्ब ४० करोड कर छुट

पाँच महिनामै सवा खर्ब सार्वजनिक ऋण थपियो

नेपाल उद्योग वाणिज्य महासंघ र भियतनाम चेम्बरबीच सहकार्य हुने

देशभरका भन्सार कार्यालयको जाँचपास सेवा ठप्प

सरकारले तोक्यो उखुको खरिद मूल्य, प्रतिक्विन्टल ६२० रुपैयाँ

बैंक तथा वित्तीय संस्थालाई गैरबैंकिङ सम्पति बेच्न बाटो खुल्यो

४० अर्ब रूपैयाँ तरलता खिच्दै राष्ट्र बैंक

लगानी बोर्डद्धारा बेतन कर्णाली जलविद्युत् आयोजनाको ९३ अर्ब लगानी स्वीकृत

चालु आवको पहिलो तीन महिनामा ५ खर्ब ४० अर्बको वैदेशिक व्यापार