१ मंसिर / अर्थ र व्यापार –  आन्तरिक राजश्व विभागले विभिन्न १५ विधामा मुलुकलाई बढी कर तिर्ने करदाताहरुलाई सम्मानित गरेको छ ।  दशौँ राष्ट्रिय कर दिवसको अवसरमा बुधबार अर्थमन्त्री जनार्दन शर्माले यसरी सम्मानित हुने करदाताहरुलाई सम्मानपत्र हस्तान्तरण गरेका हुन् । 
एकवर्षको अवधीमा सबैभन्दा बढी कर तिर्ने र सम्मानित हुने संस्थामा नेपाल दूरसञ्चार कम्पनी लिमिटेड (नेपाल टेलिकम) रहेको छ । यसैगरि, व्यक्तिगत रुपमा मुलुकलाई सवैभन्दा धेरै कर बुझाएर उत्कृष्ट्र करदाता बन्न सफल व्यवसायी सिद्धार्थ शम्सेर जंबहादुर राणा हुन् । 
सिद्धार्थ शम्सेर जबरा सिप्रदी ट्रेडिङका अध्यक्ष तथा सूर्य नेपाल प्रालिका निर्देशक हुन् । राणा आन्तरिक विभागबाट यसरी लगातार सातौँपटकसम्म सम्मानित भएका हुन् । 
अघिल्लो वर्ष भने व्यक्ति गततर्फ जावलाखेल ड्रिष्टीलरी ग्रुपका अध्यक्ष विजय शाहले यो सम्मान पाएका थिए । सरकारकार यसरी सम्मानित हुने अन्य कम्पनीहरुमा डावर नेपाल प्रालि, एशियन पेन्टस् नेपाल प्रालि, पूर्वाञ्चल एग्रीगेट प्रालि, छिमेक लघुवित्त वित्तीय संस्था, नबिल बैंक, नेपाल पुनर्बीमा कम्पनी रहेका छन । 
यसैगरि, नोबेल मेडिकल कलेज टिचिङ हस्पिटल प्रालि, तारागाउँ रिजेन्सी होटल्स लिमिटेड, भाटभटेनी सुपरमार्केटद एण्ड डिपार्टमेण्टल स्टोर, कर्जा सूचना केन्द्र कम्पनी लिमिटेड, हिमाल पावर लिमिटेड, सूर्य नेपाल प्रालि र घोराही सिमेन्ट इण्डष्ट्री कम्पनीहरु लगायत सम्मानित भएका हुन् । 
बुधबार राजधानीमा आयोजित उत्कृष्ट्र करदाताहरुको सम्मान कार्यक्रममा अर्थसचिव मधुकुमार मरासिनी, राजश्व सचिव कृष्णहरि पुष्कर, आन्तरिक राजश्व विभागका महानिर्देशक शोभाकान्त पौडेल लगायतको सहभागिता रहेको थियो । यसरी सम्मानित भएका उत्कृष्ट करदाताहरुले बुझाएको कर रकम भने विभागले अहिलेसम्म सार्वजनिक गरेको छैन ।