२ मंसिर/अर्थ र व्यापार – संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेले मनपरी हवाई भाडा वृद्धिगरी यात्रुलाई ठग्ने वायुसेवा कम्पनीहरुलाई कारबाही गर्ने चेतावनी दिएका छन् ।
त्रिभुन अन्तर्राष्ट्रिय विमानस्थलको उडान काटौतीभएपछि विभिन्न वायुसेवा कम्पनी तथा ट्राभल एजेन्सिहरुले अस्वभाविक रुपमा हवाई भाडा लिएको भन्ने जनगुनासो आइरहेको बेला पर्यटनमन्त्री पाण्डेले मन्त्रालयले उपभोक्ताको अधिकार हनन हुनेगरी भाडा लिने कम्पनीहरुलाई कारबाही गर्ने चेतावनी दिएका हुन् ।
उपभोक्ताको अधिकार हनन नहुनेगरी न्यायोचित रकम मात्रै लिन वायुसेवा कम्पनीहरुलाई निर्देशन दिए । अघिल्लो सातादेखि दैनिक १० घण्टा त्रिभुवन अन्तर्राष्ट्रिय विमानस्थल बन्द गरेर विमानस्थल निर्माणको काम सुरु भएदेखि वायुसेवा कम्पनीहरुले मनपरी हवाई भाडा वृद्धि गरेको गुनासो यात्रुहरुले गर्दै आएका छन् ।
सोहीे विषयमा मन्त्री पाण्डेले हवाई भाडा वृद्धिबारे आफूले परराष्ट्रमन्त्री, श्रम, रोजगार तथा सामाजिक सुरक्षामन्त्री र नेपाल नागरिक उड्डयन प्राधिकरणसँग छलफल गरिसकेको बताए । तीन मन्त्रालयको समन्वयमा विमान सञ्चालकहरुसँग पनि छलफल गरी बढी भाडा नलिन निर्देशन दिएको बताए ।

हवाई भाडा बढेका विषयमा ५ बुँदे निर्णय गरी ट्राभल एजेन्सीहरुले टिकटहरु होल्ड गर्ने र महंगोमा बेचिएको कुरालाई रोक्न प्राधिकरणलाई निर्देशन दिइसकेको जानकारी दिए ।
आफुले टिकटको मूल्य बढेपछि परराष्ट्रमन्त्री, श्रममन्त्री र म बसेर र केही सरोकारवालाहरु बसेर पर्यटन मन्त्रालयको समन्वयमा प्राधिकरणमा विमान सञ्चालकहरु र तिनीहरुका प्रतिनिधिहरुलाई राख्ने र टिकट बढेका विषयमा उनीहरुलाई ५ बुँदे निर्णय गरेको जानकारी गराउँदै उनले सो निर्णयमा सहभागी हुने , ट्राभल एजेन्सीहरुले टिकटहरु होल्ड गर्ने भनेर महंगोमा बेचिएको बताए । त्यो प्याकेजमै होल्ड गर्ने प्रवृृत्ति रोक्न निर्देशन दिएको भन्दै उनले त्यसमा उनीहरु सहमत भएको बताए ।

मन्त्री पाण्डेले भैरहवामा उडानको चाप बढाउन र पोखरामा पनि उडान विस्तार गर्न मन्त्रालयले योजनावद्ध रुपमा काम अघि बढाइरहेको बताए । भैरहवामा अहिले ५ वटा वायुसेवा कम्पनीहरुले उडान भरिरहेको र यसलाई १० वटासम्म कसरी पु¥याउने भन्ने योजनामा मन्त्रालय रहेको जानकारी दिए ।
अहिले केही वायुसेवाहरु त्यहाँ गएका छन् । उनीहरुलाई त्यहाँ दिगो रुपमा राख्नका लागि सरकारका तर्फबाट गर्ने भनिएको कार्ययोजना र कार्ययोजनाअन्तर्गतका कामहरु के कति भएका छन् र के कति गर्नुपर्नेछ भन्नेकुराको फलोअप गरिरहेको मन्त्री पाण्डेले बताए ।