७ साउन/अर्थ र व्यापार – काठमाडौको लाजिम्पाटस्थित पाँचतारे होटल सांग्रिलाका संस्थापक अध्यक्ष, सञ्चालक तथा पर्यटन व्यवसायी श्यामबहादुर पाण्डेको निधन भएको छ ।
पाण्डेको ८८ वर्षको उमेरमा सोमबार ग्रान्डी अस्पतालमा निधन भएको हो । केही वर्षदेखि स्वास्थ्य समस्या बेहोरिरहेका पाण्डेले ६० वर्षभन्दा बढी पर्यटन र होटल उद्योगको विकास र उन्नतिका लागि काम गरेका थिए ।
होटल उद्योगका ‘लिजेन्ड’ मानिने पाण्डेले ६ दशकभन्दा बढी अवधि सक्रिय हिसाबले काम गरेका थिए । पाण्डेले चार दशकअघि होटल सांग्रिला स्थापना गरेको थिए ।
पारिवारिक स्रोतका अनुसार स्वर्गीय पाण्डेको पार्थीव शरीरलाई अन्तिम श्रद्धाञ्जली दिन सोमबार दिउँसो २ बजेसम्म उनको घरमा राखिने छ । त्यसपछि दिउँसो ४ बजे पशुपति आर्यघाटमा दाहसंस्कार गरिने छ । पाण्डेका श्रीमती, दुई छोरा र एक छोरी छन् ।