निगमका पाइलट विजय लामा र भावना पन्त ग्राउण्डेड, संवेदनशील क्षेत्रमा फोटो र भिडियो अन्तर्वार्ता दिएकाले प्राधिकरणको कारबाहीमा
२२ जेठ/अर्थ र व्यापार – नेपाल नागरिक उड्डयन प्राधिकरणले विमानस्थलको निषेधित क्षेत्रमा फोटो र भिडियो अन्तर्वार्ता दिएको भन्दै नेपाल वायुसेवा निगमका दुई पाइलटलाई कारवाही गरेको छ।
प्राधिकरणले निगमका वरिष्ठ पाइलट विजय लामा र भावना पन्तलाई ग्राउण्डेड गर्दै अध्ययन समिति समेत गठन गरेको छ । प्राधिकरणका प्रवक्ता हशंराज पाण्डेले निगमका दुबै पाइलटले फोटो खिच्ने र भिडियो अन्तर्वार्ता दिएका कारण उडानमा प्रतिवन्ध लगाएको जानकारी दिए।
लामाले विमानस्थल परिसरमा निगमको विमानसहितको फोटो खिचेर फेसबुकमा हालेका छन् भने पन्तले एक टेलिभिजन च्यानलसँग विमानस्थलको अति संवेदनशील क्षेत्रमा अन्तर्वार्ता दिएकी छिन्।
प्राधिकरणका प्रवक्ता पाण्डेका अनुसार दुबै पाइलटसँग स्पष्टीकरण सोधेर थप कारवाही अगाडि बढाइनेछ। क्याप्टेन लामा एयरबस–३३०का पाइलट हुन् भने क्याप्टेन पन्त एयरबस–३२० का पाइलट हुन्।
क्याप्टेन लामा ग्राउण्डेड भएसँगै नेपाल वायुसेवा निगमको लङ हल रुट अन्तर्गत जापान, हङकङ लगायत उडान प्रभावित हुने प्राविधिकका प्रवक्ता देवेन्द्र पुनले जानकारी दिए।
निगममा वाइडबडी विमानका लागि कुल आठजना क्याप्टेन र पाँच कोपाइलट छन्। त्यसमा पनि तीन जना वरिष्ठ क्याप्टेन ग्राउण्डेड भइसकेका कारण वाइडबडी उडानमा पाइलट अभाव भएको उनले बताए।
‘न्यारोबडी विमान उडान व्यवस्थापन गर्न सकिन्छ तर, वाइडबडी उडानमा यसैपनि पाइलट अभाव थियो । कारवाही अवधिभर उडान प्रभावित हुने देखिन्छ,’प्रवक्ता पुनले भने,’फ्लाइङ आवरले उडानमा असर पर्ने देखिएको छ।’
निगमको वाइडबडी विमानका क्याप्टेन सुवास रिजाल स्वास्थ्यका कारण ग्राउण्डेड छन् भने क्याप्टेन श्रवण रिजाल वाइडबडी खरिद प्रकरणमा मुद्दा दायरका कारण दुई महिनादेखि ग्राउण्डेड छन्।
यसैगरी, क्याप्टेन योगेश हिराचनले ३ महिना अगाडि नै निगमबाट विदा लिइसकेका छन्। एक जना पाइलटले मासिक सय घण्टा मात्र उडान गर्न पाउने मापदण्डका कारण वाइडबडी जहाज उडान व्यवस्थापन कठिन बनेको उनले बताए ।
सम्बन्धित शीर्षकहरु
मुख्य खबर
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
१८ औं गभर्नरमा प्रा.डा. विश्वनाथ पौडेल नियुक्त
नेपाल राष्ट्र बैंकको १८ औं गभर्नरमा प्रा.डा विश्वनाथ पौडेल नियुक्त भएका छन् । मंगलबार बसेको मन्त्रिपरिषद् बैठकले प्रा.डा विश्वनाथ पौडेललाई नेपाल राष्ट्र बैंकको १८ औं गभर्नर नियुक्त गरेको सरकारका प्रवक्ता
२५ बुँदे घोषणापत्र जारी गर्दै सगरमाथा संवाद २०२५ सम्पन्न
२५ बुँदे घोषणापत्र जारी गर्दै ‘सगरमाथा संवाद २०२५’ सम्पन्न भएको छ । सो कार्यक्रम समापनसँगै नेपालले जलवायु परिवर्तन, हिमाली क्षेत्रको संरक्षण र मानव भविष्यका लागि २५ बुँदे घोषणापत्र सार्वजनिक गरेको हो ।
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया