३० वैशाख/अर्थ र व्यापार – विश्वको सर्वोच्च शिखर सगरमाथामा सबैभन्दा धेरै पटक सफल आरोहण गरेर विश्वकीर्तिमान बनाएका आरोही कामीरिता शेर्पाले २९औं पटक सगरमाथाको सफल आरोहण गरेका छन् ।
उनले आइतबार बिहान ७ बजेर २५ मिनेटमा सगरमाथाको शिखर चुमेको सेभन समिट प्रालिले जनाएको छ । योसँगै ५४ वर्षीय कामीरिताले यसअघिको आफ्नै कीर्तिमान तोड्नै पुनः नयाँ कीर्तिमान बनाएका छन् ।
‘व्यक्तिगत रुपमा सगरमाथाको सबैभन्दा धेरै सफल आरोहण गर्नेमा उनी सफल भएका छन्, सेभेन समिटले भनेको छ । सोलुखुम्बुको थामेका कीर्तिमानी आरोही शेर्पाले १९९२ देखि हिमाल आरोहण सुरु गरेका थिए । यसअघि उनले ८ हजार मिटर अग्ला केटू, चोयु, ल्होत्से, मनास्लु हिमालको पनि सफल आरोहण गरिसकेका छन् ।