महाशिवरात्रीमा कैलाश–मानसरोवरमा माउन्टेन फ्लाइट, १५० भारतीय तीर्थयात्रीले गरे दर्शन
२५ फागुन/अर्थ र व्यापार – पथिल होलिडेजले महाशिवरात्रीको अवसरमा नयाँ दिल्लीको ट्राभल कम्पनी ट्रिप टू टेम्पल्ससँगको समन्वयमा १५० जना भारतीय तीर्थयात्रीलाई कैलाश पर्वत र मानसरोवरको दर्शन गराएको छ।
यस कम्पनीले १५० तीर्थयात्रीलाई नेपालगंजबाट श्री एयरलाइन्सको जहाज चार्टर्ड गरी चीनको तिब्बतस्थित कैलाश पर्वत र मानसरोवरको दर्शन गराएको हो।
माउन्टेन फ्लाइटबाट कैलाश–मानसरोवर दर्शन गर्न पाएकामा तीर्थयात्रीले खुशी प्रकट गरेका छन्। शिव पार्वतीको घर देख्ने बाल्यकालदेखिको सपना पूरा भएको कर्नाटकाकी ३३ वर्षिया अरुणा यनले बताइन्। ‘विमानबाटै यतिराम्रोसँग दर्शन गर्न पाउँदा अत्यन्तै खुशी छौं,’ नयाँ दिल्लीका ६७ बर्षिय गोपाल सेठले भने।
कैलाश पर्वत र मानसरोवरको दर्शनसँगै तीर्थयात्रीले रावणले तपस्या गरेको राक्षस ताल, अपि र सैपाल हिमाल लगायतको पनि दृश्यावलोकन गरेको सो कम्पनीले जनाएको छ।
कोरोना विश्वमहामारि अघि वार्षिक करिब १४ हजार भारतीय पर्यटक नेपालगंज हुँदै मानसरोवर पुग्ने गरेका थिए। तीर्थयात्रीहरु नेपालगंजबाट विमानमा सिमकोट गएर त्यहाँ एकरात बसी हिल्सासम्म हेलिकोप्टरमा गई त्यहाँबाट बसमा २ दिनमा ताक्लाकोट हुँदै मानसरोवर पुग्थे। तर, कोभिडपछि भारतीय पर्यटकलाई चीनले भिसा नदिएपछि यो रुट सुनसान बनेको छ।
भिसाका कारण रोकिएका भारतीय पर्यटकलाई माउन्टेन फ्लाइटबाट मानसरोवर दर्शन गराएको पथिल होलिडेजका प्रवन्ध निर्देशक महेश गौतमले बताए । नेपालगंजको सुस्ताएको पर्यटन गतिविधिमा माउन्टेन फ्लाइटले सहयोग पुग्ने उनको भनाइ छ। माउन्टेन फ्लाइटका लागि १५० भारतीय पर्यटक बिहीबार नेपालगंज आएर होटल सिद्धार्थमा बसेका थिए।
कैलाश–मानसरोवर दर्शनका लागि हरेक साता माउन्टेन फ्लाइट गर्ने पथिल होलिडेज र ट्रिप टू टेम्पल्सको योजना हरेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया