२० फागुन/अर्थ र व्यापार – निजी क्षेत्रका वायुसेवा कम्पनीहरूको छाता संगठन वायुसेवा सञ्चालक संघ–नेपाल (आयोन) को अध्यक्षमा मनोज कार्की निर्वाचित भएका छन्।
राजधानीमा सम्पन्न संघको २३ औं साधारण सभाले समीट एयरका प्रवन्ध निर्देशक कार्कीलाई अध्यक्षमा सर्वसम्मत चयन गरेको हो। नवनिर्वाचित अध्यक्ष कार्की संघका निवर्तमान महासचिव हुन्।
सोही साधारण सभाले संघको प्रथम उपाध्यक्षमा प्रतापजंग पाण्डे, द्धित्तिय उपाध्यक्षमा निमानुरू शेर्पा, तृतीय उपाध्यक्षमा अनिल मानन्धरलाई निर्वाचित गरेको छ । यसैगरी, संघको महासचिवमा सुवास सापकोटा, सचिवमा मुरलीधर जोशी र कोषाध्यक्षमा रूपेश जोशी निर्वाचित भएका छन्।
त्यसैगरी, संघको कार्यसमिति सदस्यहरूमा सुवास अमात्य, उमेश पनेरू, बालकृष्ण पण्डित, प्रज्वल थापा, सचेन सुवेदी, उमेश आचार्य, फुर्वा छिरिङ, विजयसिंह श्रेष्ठ सर्वसम्मत चयन भएका छन्। सो साधारण सभाले संघको आगामी दुई वर्षका लागि नयाँ कार्यसमिति चयन गरेको हो।