१४ फागुन/अर्थ र व्यापार – जनकपुरको पर्यटन प्रवद्र्धनका लागि नेपाल पर्यटन बोर्डले गाइडबुक सार्वजनिक गरेको छ । जनकपुरमा जारी लिटिरेचर फेस्टिभलमा गाइडबुक सार्वजनिक गरिएको हो।
जीविकोपार्जन पुनरुत्थानका लागि दिगो पर्यटन परियोजनासँगको सहकार्यमा बोर्डले गाइडबुक सार्वजनिक गरेको हो । गाइडबुक जनकपुर उपमहानगरपालिका, बृहत्तर जनकपुर क्षेत्र विकास परिषद्, होटल संघ नेपाल, नेपाल एसोसिएसन अफ टुर एण्ड ट्राभल एजेन्टस् (नाट्टा)सँगको समन्वयमा तयार पारेको बोर्डले जनाएको छ।
गाइडबुकमा जनकपुर मन्दिर र आसपासका पर्यटकीयस्थल तथा मिथिला कला र खाना बारेबारे उल्लेख गरिएको बोर्डले जनाएको छ ।