२६ साउन/अर्थ र व्यापार – यस वर्ष त्रिभुवन अन्तर्राष्ट्रिय विमानस्थलबाट ७ महिनाको अवधिमा २५ लाख यात्रुले अन्तर्राष्ट्रिय हवाई यात्रा गरेका छन् ।
जनवरी २०२३ देखि जुलाई २०२३ सम्म २५ लाख १२ हजार ८१० जना हवाई यात्रुले अन्तर्राष्ट्रिय हवाई यात्रा गरेका हुन् ।

विगत ७ महिनाको अवधीमा १३ लाख ६८ हजार ३३७ जना यात्रु नेपालबाट विदेश उडेका छन् । ११ लाख ४४ हजार ४७३ जना यात्रु नेपाल आएका छन् । यो अवधिमा कुल १७ हजार ६२५ वटा उडान÷अवतरण भएको त्रिभुवन विमानस्थल कार्यालयले जनाएको छ ।

विमानस्थल कार्यालयका अनुसार ८ हजार ८१३ वटा उडान भएका छन् । ८ हजार ८१२ वटा अवतरण यो अवधिमा भएको कार्यालयले जनाएको छ ।
यो अवधिमा १३ हजार ५३ टन कार्गो हवाईमार्गबाट आवत जावत भएको छ । समिक्षा अवधीमा ६ हजार ४१२ टन सामान नेपालबाट विदेश गएको छ । ६ हजार ६४१ टन कार्गो नेपाल भित्रिएको विमानस्थल कार्यालयको तथ्यांकमा उल्लेख छ ।