२५ फागुन/अर्थ र व्यापार – काठमाडौंबाट भैरहवा उडेको श्री एयरलाइन्सको जहाजमा आगो लागेपछि इमर्जेन्सी ‘फोर्स ल्यान्डिङ’ गरिएको छ । साढे ७ बजे उड्नुपर्ने विमान ९ बजेर ३८ मिनेटमा भैरहवा उडेको थियो । उडेको २० मिनेटमा एउटा इन्जिन फेल भएको थियो। इन्जिन फेल भएको जानकारी चालक दलले यात्रुहरुलाई समेत गराएका थिए ।
सो विमानमा यात्रा गरिरहेकामध्ये शुभलक्ष्मी सिमेन्टका प्रमुख कार्यकारी अधिकृत राजाराम खड्काले इन्जिन फेल भएको जानकारी गराएपछि यात्रुबीच हल्लीखल्ली भएको बताउँदै रुवाबासी भएको बताए । उनका अनुसार उडेको केही समयमै विमानको दाहिने तिरको पखेटा चल्न छाडेको थियो।
विमान धादिङको थाक्रे नजिक पुगेपछि एउटा इन्जिन फेल भएको अनाउन्समेन्ट भएसँगै यात्रुहरुमा रुवाबासी चलेको बताउँदै उनले भने, ‘झण्डै २० मिनेट आकाशमा होल्ड गरेर इमर्जेन्सी ल्यान्डिङ गरियो।’
यात्रु खड्काका अनुसार विमानमा सवार सबै जना सकुशल छन्। हवाई सुरक्षा विभागले जहाजमा के भएको रहेछ भनेर प्राविधिक अनुसन्धान भएको थियोृ ।
त्रिभुवन अन्तर्राष्ट्रिय विमानस्थलका महाप्रबन्धक प्रतापबाबु तिवारीका अनुसार जहाज उडेलगत्तै दाहिने पट्टिको इन्जिनमा आगो लागेको थियो । यो घटनाका कारण विमानस्थलको नियमित उडान–अवतरण भने प्रभावित भएको छैन।