२१ जेठ / अर्थ र व्यापार-सुरुमै ओरालो लागेको शेयर बजार दुई बजेपछि केही सम्हालिन खोजे पनि टिकाउ हुन नसक्दा नेपाल स्टक एक्सचेञ्ज (नेप्से) परिसूचक दोहोरो अंकले घटेर फेरि १६ अंकमुनि झरेको छ । 

कारोबारमा आएका अन्य बाहेक बाँकी सबै समूहमा आएको गिरावटले बजार ओरालो लागेको हो । कारोबारमा आएका अन्य बाहेक सबै उपसूचक घट्दा नेप्सेको कारोबार मापक सूचक १०.५ अंकले घटेर १५९३.८१ अंकमा झरेको छ । ‘क’ बर्गका कम्पनीहरुको कारोबार मापन गर्ने सेन्सेटिभ इन्डेक्स २.२७ अंकले घटेर ३३८.०७ अंकमा झरेको छ ।
 
आइतबार १४१ कम्पनीका नौ लाख ५० हजार कित्ता शेयर ५५ करोड ६७ लाख रुपैयाँमा खरिद बिक्रि भएको छ । आज सबैभन्दा बढी स्ट्यार्डड चाटर्ड बैंकको शेयर खरिद बिक्रि भयो। चाटर्डको चार करोड १५ लाख रुपैयाँको शेयर किनबेच भएको हो। कारोबार रकमकै आधारमा कुमारी बैंक दोस्रो स्थानमा। कुमारीको दुई करोड १३ लाख रुपैयाँको शेयर खरिद बिक्रि भएको हो।
 
आइतबार आठ समुहको कारोबार भएकोमा सात समुहमा गिरावट आएको छ। बैंकिङ ९.१९, होटल १५.५५, विकास बैंक ७.६९, जलबिद्युत ३०.६९, फाइनान्स १.०३, बीमा ९५.०६ र उत्पादन मुलक समूह १३.१ अंकले घटेका छन्। अन्य कम्पनी उससूचक भने ०.८६ अंकले बढेको छ ।
 
आज सबैभन्दा बढी आरएसडीसी माइक्रोफाइनान्स कम्पनीका सेयर धनीले करिब १० प्रतिशत कमाएका छन्।  सबैभन्दा बढी गुमाउने कम्पनीमा कर्णाली विकास बैंकका लगानीकर्ता परे। बैंकको शेयर मूल्य छ प्रतिशतले घटेको हो।