लगानीकर्ताको रोजाइमा कमजोर कम्पनी, साढे ३७ करोडको शेयर कारोबार हुँदा शिवमले सबैलाई उछिन्यो
६ पुष / अर्थ र व्यापार - शेयर बजार घट्दै गएपछि लगानीकर्ताको रोजाइमा कमजोर कम्पनीमा लगानीकर्ताको आकर्षण देखिन थालेको छ । साताको पहिलो दिन लगानीकर्ताको रोजाइमा कमजोर कम्पनी परेपछि राम्रा कम्पनी छाँयामा परेका छन् । राम्रा कम्पनीलाई लगानीकर्ताले छाँयामा पारेपछि सन्सेटिभ सूचक घटेको छ ।
तर लगानीकर्ताको रोजाइमा बढी कम मूल्यका कमजोर कम्पनी परेपछि समग्र शेयर कारोबार मापक सूचक भने बढेको छ । नेपाल स्टक एक्सचेन्ज(नेप्से)को कारोबार मापक सूचक १.१७ अङ्कले बढेर ११५०.८१ अंकमा उक्लिएको छ । तर राम्रा कम्पनीहरुमो कारोबार मापन गर्ने सेन्सेटिभ सूचक भने ०.२५ अङ्कले घटेर २५१.५९ अंकमा झरेको छ ।
लगानीकर्ताले शेयर बजार बढ्ने दरिलो आधार नभेट्टाएका कारण सस्तो र कमजोर कम्पनीका शेयरमा आइतबार खरिद बिक्री बढाएको नेपाल इन्भेष्टर फोरमका उपाध्यक्ष तुलसीराम ढकालले बताए । लगानीकर्ता यति बेला अन्योलमा रहेको ढकालको ठम्याइ छ ।
पछिल्लो त्रैमासमा घाटा बढेको वित्तीय विवरण प्रकाशित गरेको शिवम सिमेन्ट आइतबार सबैभन्दा बढी शेयर मूल्य बढ्ने कम्पनीको सूचीमा अघि छ । उसको ९.७६ प्रतिशतले शेयर मूल्य बढेर सर्किट लागेको छ । कारोबार रकममा समेत उसले अग्रता लिएको छ ।
शेयर मूल्यका आधार र नाफामा कमजोर देखिएका कम्पनीको शेयर मूल्य चार प्रतिशतदेखि १० प्रतिशतसम्म बढेका छन् । पाँचथर पावर, रिडी हाइड्रो पावर, कर्णाली विकास बैंक, देव विकास बैंक लगायतका कम्पनीको शेयर मूल्य बढेका हुन् ।
आइतबार १ सय ६७ कम्पनीका १४ लाख ८८ हजार कित्ता शेयर ३७ करोड ४४ लाख रुपैयाँमा कारोबार भयो । सबैभन्दा बढी शिवम् सिमेन्टको चार करोड ७६ लाख रुपैयाँ बराबरको शेयर कारोबार भयो । कारोबार रकमकै आधारमा एनएमबि बैंकको दोस्रो बढी कारोबार भएको छ । उसको मात्रै तीन करोड ३३ लाख रुपैयाँ बराबरको शेयर कारोबार भयो ।
उप सूचक मिस्रित देखिएको छ । १२ समूहको कारोबारमा ६ समूहका उप सूचक बढेका छन् भने ६ नै समूहका उप सूचक घटेका छन् । सबैभन्दा बढी होटेल समूहका उप सूचक २.५५ प्रतिशतले बढेको छ भने ट्रेडिङ् समूहको १.८५ प्रतिशतले उप सूचक घटेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया