२९ बैशाख /अर्थ र व्यापार - साताको पहिलो दिन शेयर बजारमा नेप्से परिसूचक ३.०७ अंकले बढेर १२९५.०३ को बिन्दुमा पुगेर कारोबार बन्द भएको छ । आज १ सय ७१ कम्पनीको २६ लाख ७० हजार १४० कित्ता शेयर खरिदबिक्री भई ८४ करोड ८१ लाख ३९ हजार रुपैयाँ बराबरको कारोबार भएको छ । 

त्यस्तै गरी ‘क’ वर्गका कम्पनीहरुको मापन सेन्सेटिभ परिसुचक शुन्य दशमलव ५१ अंकले बढेर २ सय ७७ दशलमव ०३ अंकको बिन्दुमा पुगेर बन्द भएको छ ।आज सबैभन्दा बढी कारोबार सानिमा बैंकको प्रमोटर शेयरको भएको छ । जसको कारोबार १६ करोड ४५ लाख ८१ हजार रुपैयाँ बराबरको भएको छ । जसको बजार मुल्य १८० दशमलव १० रुपैयाँ रहेको छ । आजै सर्वाधिक कमाउनेमा शिवम सिमेन्टका लगानीकर्ताहरु रहेका छन् । जसको शेयर मूल्यमा ९ दशमलव ९८ प्रतिशतले बढेको छ । 

साथै सर्वाधिक गुमाउनेमा सूर्योदय लघुवित्त वित्तीय संस्थाका लगानीकर्ताहरु रहेका छन् । जसको शेयर मूल्य आज ७ दशमलव २६ प्रतिशतले घटेको छ । आज १० वटा उपपरिसुचकहरुमा ४ वटा समूह बढेको छ भने ६ वटा समूह घटेका छन् ।