२८ फागुन /अर्थ र व्यापार  -  मंगलबार २०.३३ अंकले बढेको बजारमा १७६ कम्पनीका १९ लाख ४५ हजार ३६ कित्ता शेयर किनबेच भएर ५२ करोड ५१ लाख रुपैयाँ बराबरको कारोबार भएको छ । यस दिन नेप्से २०.३३ अंकले बढेर ११६३.२६ विन्दुमा पुगेको छ ।आज कारोबारमा आएका ११ समुह सबैको सुचकमा हरियाली छाएका छन् । त्यस मध्ये पनि हाइड्रोपावर, वाणिज्य बैंक र व्यापार समुहको सुचक २ प्रतिशत भन्दा बढीले बृद्धि भएका छन । हाइड्रोपावरमा सबै भन्दा धेरै २.७७ अंकले सकारात्कम भएको छ । यस्तै वाणिज्य बैंक २.२७ र व्यापार समुहको सुचक २.१७ प्रतिशतले सुधार भएका हुन् ।

यस्तै उत्पादन तथा प्रशोधन, होटल, विकास बैंक जीवन बीमा, र अन्य समुहको सुचक पनि १ प्रतिशत भन्दा बढीले सुधार भएका छन् । यस दिन सबै भन्दा धेरै माछापुच्छ्रे बैंकको शेयर कारोबार भएको छ । बैंकको ३ करोड १५ लाख रुपैयाँ बराबरको कारोबार भएको छ । एनसिसी बैंकको पनि ३ करोड ११ लाख रुपैयाँको कारोबार भएको छ । यस्तै प्रभु बैंक, अपर तामाकोशी, नेपाल लाइफ इन्स्योरेन्स, र एनआइसि एशियाको २ करोड रुपैयाँ भन्दा बढीको कारोबार भएको छ । नेपाल बैंक, जनता बैंक, सिभिल बैंक, र एनएमबि बैंकको पनि १ करोड रुपैयाँ भन्दा बढीको कारोबार भएका छन् । सिनर्जी पावरको शेयरधनीले कमाउँदा सिटिजन म्युचुअल फण्डको इकाइ मूल्य घट्यो ।

मंगलबार सिनर्जी पावरको शेयर मूल्य सबै भन्दा धेरै १० प्रतिशतले बढेको छ । सपोर्ट माइक्रोफाइनान्सको शेयरधनीले ९.८७ प्रतिशतले कमाएका छन् भने हिमालयन पावर पर्टनरको शेयरमूल्य ९.५५ प्रतिशतले बढेको छ । यस्तै कालिका पावरको शेयर मूल्य ८.७९ , सानिमा इक्युटी फण्डको इकाई मूल्य ७.४६ र नेशनल हाइड्रोपावरको शेयरमूल्य ७.२५ प्रतिशतले बढेको छ । यता सिटिजन म्युचुअल फण्डको इकाई मूल्य सबै भन्दा धेरै १.९२ प्रतिशतले घटेको छ । यस्तै सगरमाथा इन्स्योरेन्स, निर्धन उत्थान लघुवित्त, आखुखोला जलविद्युत, बेष्ट फाइनान्स कम्पनीको शेयरधनीले १ प्रतिशत भन्दा बढीले गुमाएका छन् ।