आज शेयर बजार ३२.२४ अङ्कले वृद्धि, पाँच महिना एताकै ठुलो सुधार
८पुस/ अर्थ र व्यापार - मुद्रा र पूँजी बजार सम्वन्धी सरकारी कार्यदलले दिएको सुझाबले शेयर बजारमा चमक देखिएको छ । विहिबार कार्यदलले सुझाब दिएपछि आइतबार पहिलो दिन शेयर बजारमा ३२.२४ अंकले बढेको छ । पाँच महिनापछि शेयर बजारमा एकै दिन यति ठूलो सुधार आएको हो । यसअघि जेठ १४ गते शेयर बजार ३६ अंक बढेको थियो ।
आइतबार शेयर इन्डेक्स ११ सय ९८.१८मा कायम भयो । तीन चरणको निर्वाचनपछि स्थायी सरकार आएपछि बजार केही सुधार आएको थियो । तर अर्थमन्त्रीमा डा. युवराज खतिवडा आएपछि शेयर बजार ओरालो लागेको थियो । आइतबार उत्पादनमूलक वाहेक सबै सूचक हरियो भयो । नेपाल इन्भेष्टर फोरमका पूर्व अध्यक्ष डा.आत्मराम घिमिरेले सरकारी कार्यदलको सुझाबले शेयर बजारमा उछाल आएको बताए ।
योसँगै राष्ट्र बैंकको अगुवाईमै नेपाल बैंकर्स एशोसिएसनसँग भएको ब्याजदरमा भद्रसहमतिले समेत निक्षेपको ब्याज ओरालो लाग्यो । निक्षेपको ब्याजदर साढे ९ प्रतिशतमा सीमित राख्ने सहमतिपछि ऋणको ब्याजदर समेत घट्ने अपेक्षाले शेयर बजार उकालो लागेको हो । सरकारी कार्यदलले शेयर बजार सुधारका लागि धेरै सुझाब दिएको छ । यो सुझाब हुबहु कार्यान्वयनमा आएमा शेयर बजार सुध्रिने विश्वासले पनि काम गरेको देखिन्छ ।
आइतबार १६४ कम्पनीका २८ लाख १२ हजार कित्ता शेयर ८७ करोड रुपैयाँमा कारोबार भयो । सबैभन्दाबढी सनराईज बैकको संस्थापक शेयर आठ करोड १७ लाख रुपैयाँमा कारोबार भयो । यो गत तीन महिना यताकै सबैभन्दाबढी कारोबार हो । गत असोज १० गते बजारमा ८९ करोड रुपैयाँ बराबरको शेयर किनबेच भएको थियो ।
उपसूचक मिश्रित देखिएको छ । उत्पादनमूलक बाहेक सबै उप समूह बढेका छन् । उत्पादन मूलक समूह ०.२७ प्रतिशतले घटेको छ । सबैभन्दाबढी निर्जीवन वीमा समूह ५.९७ प्रतिशतले बढ्यो । आईएमई जनरल ईन्स्योरेन्स कम्पनीको शेयर मूल्य १० प्रतिशत बढ्यो । कैलाश विकास बैकका शेयरधनीले करिब सात प्रतिशत गुमाए ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया