१७ चैत्र /अर्थ र व्यापार - साताको पहिलो दिन शेयर बजारमा नेप्से परिसूचक शुन्य दशमलव ९१ अंकले घटेर १ हजार १ सय ४३ दशमलव ५९ को बिन्दुमा पुगेर कारोबार बन्द भएको छ । त्यस्तै ‘क’ वर्गका कम्पनीहरुको मापन सेन्सेटिभ परिसुचक शुन्य दशमलव १२ अंकले घटेर २ सय ४३ दशलमव ३६ को बिन्दुमा पुगेर बन्द भएको छ ।

यसदिन १ सय ६५ कम्पनीको ९ लाख ५० हजार ६४३ कित्ता शेयर खरिदबिक्री भई २६ करोड ६६ लाख ६ हजार रुपैयाँ बराबरको कारोबार भएको छ । यस दिन सबैभन्दा बढी कारोबार बैंक अफ काठमान्डुको भएको छ । जसको कारोबार आज २ करोड १२ लाख रुपैयाँ बराबरको भएको छ ।

त्यस्तै यस दिन सर्वा््िधक कमाउनेमा अरुण काबेली पावरका लगानीकर्ताहरु रहेका छन् । जसको शेयर मुल्य आज ४ दशमलव ५५ प्रतिशतले वृद्धि गरेको छ । जसको शेयर मुल्य आज १८४ रुपैयाँ रहेको छ । साथै सर्वाधिक गुमाउनेमा युनिर्भसल पावर कम्पनीका लगानीकर्ताहरु रहेका छन् । जसको शेयर मूल्य आज ९ दशमलव ४९ प्रतिशतले घटेको छ । जसको आज शेयर मूल्य १६२ रुपैयाँ रहेको छ ।

यस दिन १० वटा उपपरिसुचकहरुमा ३ वटा समूह मात्र बढेको छ भने ७ वटा समूह घटेका छन् ।