१७ माघ /अर्थ र व्यापार - साताको अन्तिम दिन नेप्से परिसूचकमा सामान्य सुधार आएको छ । यस दिन नेप्स परिसूचक १.०१ अंकले बढेर ११६१. ६३ विन्दुमा पुगेको छ । विहिबार कारोबारमा आएका १६८ कम्पनीको ९ लाख ७ हजार ३१४ कित्ता शेयर २७ करोड ३३ लाख रुपैयाँमा खरिद बिक्री भयो । यो बुधबारको तुलनामा ८ करोड १२ लाख रुपैयाँले धेरै हो । बुधबार १९ करोड २० लाख रुपैयाँको शेयर कारोबार भएको थियो ।

आज कारोबारमा आएका ११ उपसूचकहरुको रङ्ग मिश्रित देखिएका छन् । जहाँ ६ वटा उपसमूहको सूचक सकारात्मक छन् भने ५ वटा उपसमूहको सूचक ऋणात्मक देखिएका छन । बैंकिङ्ग, होटल्स, विकास बैंक, उत्पादन तथा प्रशोधन अन्य र लघुवित्त उपसमूहको सूचक सकारात्मक भएको छ भने व्यपार, जदविद्युत, वित्त, र्निजीवन बीमा र जीवन बीमा उपसकूहको सूचक ऋणात्मक भएको छ ।

यस दिन उत्पादन तथा प्रशोधन समूहको सूचक सबै भन्दा धेरै १८.०२ अंकले बढोत्तरी भएको छ । विकास बैंक ५.२७, अन्य १.२५, बैंकिङ्ग १.१३, होटलस १.९ र लघुवित्त समूहको सूचक ०.५ अंकले बढयो । यता जीवन बीमा समूहको सूचक सबै भन्दा धेरै ११.१२ अंकले नकारात्मक भयो । र्निजीवन बीमा ११.११, जलविद्युत ०.६९, वित्त ०.३९ र व्यपार समूहको सूचक ०.५९ अंकले ओरालो लागेको छ ।

बिहिबार नागरिक लगानी कोषको शेयर सबै भन्दा धेरै रकमको शेयर कारोबार भएको छ । कोषको तीन करोड ९६ लाख रुपैयाँ बराबरको शेयर किनबेच भयो भने सबै भन्दा धेरै सिटिजनस् बैंकको ८३ करोड ९२१ कित्ता शेयर कारोबार भएको छ । यस दिन सबै भन्दा धेरै चौतारी लघुवित्तको शेयर मूल्य ८.४० प्रतिशतले बढोत्तरी भयो । पुर्णीमा विकास बैंक ७.२४, सामुदायिक लघुवित्त ६.९३, उन्नती माइक्रोफाईनान्स, सर्पोट माइक्रोफाइनान्स, आरम्भ माइक्रोफाइनान्सको शेयर मूल्य ४ प्रतिशत भन्दा धेरैले बढेको छ ।

यता सिटी फाईनान्सको शेयर मूल्य सबै भन्दा धेरै ९.७ प्रतिशतले संकुचित भयो । सानिमा इक्यिटि फण्ड र मिर्मिरे लघुवित्तको शेयर मूल्य ४ प्रतिशत भन्दा धेरैले घटेको छ ।