९ बैशाख /अर्थ र व्यापार - सोमबार शेयर बजारमा नेप्से परिसूचक ७.२६ अंकले घटेर १२५६.९४ को बिन्दुमा पुगेर कारोबार बन्द भएको छ ।  त्यस्तै गरी ‘क’ वर्गका कम्पनीहरुको मापन सेन्सेटिभ परिसुचक २ दशमलव ०४ अंकले घटेर २ सय ७१ दशलमव ३७ अंकको बिन्दुमा पुगेर बन्द भएको छ ।

यसदिन १ सय ६८ कम्पनीको ३२ लाख २२ हजार २५६ कित्ता शेयर खरिदबिक्री भई १ अर्ब ३ करोड ७६ लाख ४३ हजार रुपैयाँ बराबरको कारोबार भएको छ । १ अर्ब रुपैयाँको कारोबार हुँदा सबैभन्दा बढी कारोबार नेपाल बैंकको भएको छ । जसको कारोबार ९ करोड ३६ लाख रुपैयाँ भएको छ । 

त्यस्तै यस दिन सर्वा््िधक कमाउनेमा एभरेष्ट इन्स्योरेन्सका लगानीकर्ताहरु रहेका छन् । जसको शेयर मुल्यमा ९ दशमलव ७७ प्रतिशतले वृद्धि गरेको छ । साथै सर्वाधिक गुमाउनेमा माउण्ड हाइड्रो नेपाल लिमिटेडका लगानीकर्ताहरु रहेका छन् । जसको शेयर मूल्य आज ५ दशमलव २० प्रतिशतले घटेको छ । यस दिन ११ वटा उपपरिसुचकहरुमा ४ वटा समूहहरु बढेका छन् भने ७ वटा समूहहरु घटेका छन् ।