झिनो अंकको सुधार सहित नेप्से परिसुचक बन्द, कारोबार रकम भने खस्कियो
८माघ /अर्थ र व्यापार - गत साताको बुधबारदेखि ओरालो लागेको शेयर बजार परिसूचक नेप्से पाँचौं कारोबार दिन मंगलबार भने थामिएको छ । यस बीचमा निरन्तर ओरालो लागेको बजार २७.२२ अंकले घटेपछि मंगलबार ०.७८ अंकको झिनो सुधार सहित बन्द भएको हो । परिसूचकमा झिनो अंकले सुधार देखिएपनि कारोबार रकम भने ७ करोड ५५ लाख रुपैयाँले खस्किएको छ । सोमबार ३६ करोड ७७ लाख रुपैयाँ बराबरको शेयर खरिद बिक्री भएकोमा आज १५६ कम्पनीका १० लाख २४ हजार ६१५ कित्ता शेयर २९ करोड २२ लाख रुपैयाँ बराबरमा कारोबार भएको हो ।
मंगलबार नेप्से ०.७८ अंकले सुधार हुँदा ११६८.८३ बिन्दुमा बन्द भएको छ । कारोबारमा आएका १० उपसूचक मिश्रित देखिएका छन् । जसमध्ये ७ सूचक सकारात्मक देखिएको छ भने बाँकी ऋणात्मक बनेका छन् ।
यसदिन जीवन बीमाको सूचक सबैभन्दा धेरै ६७.६८ अंकले बढेको छ । यस्तै माइक्रोफाइनान्स १७.६, होटल्स १५, विकास बैंक २.८७, अन्य २.३९, वाणिज्य बैंक ०.४३ र निर्जीवन बीमाको सूचक ०.१९ अंकले बढेका छन् । उत्पादन तथा प्रशोधनको सूचक सबैभन्दा धेरै ९२.२९ अंकले घटेको छ । यस्तै हाइड्रोपावरको ५.१४ र फाइनान्सको सूचक १.१५ अंकले ओरालो लागेका छन् ।
मंगलबार अपर तामाकोशीको सबैभन्दा धेरै रकमको कारोबार भएको छ । तामाकोशीको ५ करोड ४७ लाख रुपैयाँ बराबरको कारोबार भएको हो । यस्तै माच्छापुच्छ्रे बैंकको १ करोड ६५ लाख, नागरिक लगानी कोषको १ करोड ६० लाख र नेपाल बेंकको १ करोड ४ लाख रुपैयाँ बराबरको कारोबार भयो । अन्य कुनै कम्पनीको शेयर कारोबार रकम करोड नाघ्न सकेन ।
मंगलबारको बजारमा कञ्चन डेभलपमेन्ट बैंकको शेयरमूल्य अधिक ९.९८ प्रतिशतले घटेको छ । यस्तै आजको कारोबारमा नेपाल हाइड्रोपावरको ९.६५, युनिलिभर नेपालको ७.७५, जनउत्थान लघुवित्तको ३.९३ र महुलि लघुवित्तको शेयरमूल्य ३.३५ प्रतिशतले अवमूल्यन भयो ।
यता समता माइक्रोफाइनान्सको शेयरमूल्य सबैभन्दा धेरै ३.५१ प्रतिशतले बढेको छ । यस्तै आजको कारोबारबाट एलआईसी नेपाल, नागबेली लघुवित्त र नेशनल हाइड्रोपावरका शेयरधनीहरुले ३ प्रतिशत बढीले कमाएका छन्।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया