घटेको बजारमा एक अर्ब बढीको कारोबार, लगानीकर्ताको आकर्षण निर्जीवन बीमा र लघुवित्तमा
माघ १५ / अर्थ र व्यापार - बुधबारको सेयर बजार झिनो अंकले ओरालो लागेको छ । दिनभर तीव्र उतारचढाव देखिएको बजारमा नेप्से परिसूचक ०.२७ अंकले घटेर १३०५.८८ अंकमा झरेको छ ।
परिसूचक ओरालो लाग्दा पनि बजारमा एक अर्ब बढीको सेयर किनबेच भएको छ । बुधबार मात्रै कूल १७६ कम्पनीको एक अर्ब २९ करोड रुपैयाँ बराबरको सेयर किनबेच भएको छ । जुन अघिल्लो दिनको तुलनामा चाँहि घटी नै हो, तर सामान्यतया एक अर्ब माथिको सेयर कारोबारलाई बजारमा राम्रो मानिन्छ । अघिल्लो दिन मंगलबारको बजारमा एक अर्ब ४० करोड रुपैयाँ बराबरको सेयर कारोबार भएको छ ।
बजारमा निर्जीवन बीमा र लघुवित्त कम्पनीमा लगानीकर्ताको आकर्षण बढ्दो छ । मंगलबार पनि उकालो लागेका यी दुई समूह बुधबारमा पनि दोहोरो अंकले उकालो लागेका छन् । जसमध्ये निर्जीवन बीमा समूह ९७.१९ अंकले उकालो लागेको छ भने लघुवित्त अर्थात माइक्रोफाइनान्स समूह ९०.९५ अंकले बढेको छ ।
यति मात्रै नभई सबैभन्दा बढी कारोबार हुने र बढी कमाउनेमा पनि लघुवित्त नै अग्रस्थानमा रहेको छ । बुधबार नाडेप लघुवित्त वित्तीय संस्थाको सबैभन्दा बढी सेयर कारोबार भएको छ । संस्थाको एकैदिन ६ करोड ३८ लाख रुपैयाँ बढीको सेयर किनबेच भएको छ । त्यस्तै, संस्थाको सेयर मूल्य पनि सबैभन्दा बढी अर्थात ९.९६ प्रतिशतले बढेर प्रतिकित्ता ७६२ रुपैयाँ पुगेको छ ।
त्यस्तै, बढी कारोबार गर्नेको दोश्रो स्थानमा निर्जीवन बीमातर्फको शिखर इन्स्योरेन्स कम्पनी रहेको छ । कम्पनीको एकैदिन ६ करोड २२ लाख रुपैयाँ बराबरको सेयर किनबेच भएको छ । बुधबार कम्पनीको सेयर मूल्य प्रतिकित्ता एक हजार एक सय २७ रुपैयाँ रहेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया