२५ असोज/अर्थ र व्यापार– साताको पहिलो दिन आइतबार सेयर बजारमा दोहोरो अङ्कको गिरावट आएको छ । 
आइतबार नेप्से परिसूचक १३.३७ अंकले घटेर १५७६.२७ अंकमा झरेको छ ।

सेयर मुल्य घट्नेमा धेरैजसो जलविद्युतका कम्पनी रहेका छन् । आइतवार जलविद्युत समुहको सुचक करिब २ प्रतिशतले घटेको छ । होटल समुहको सुचक २.१४, विकास बैंकको १.०१, निर्जीवन बीमाको १.०९, उत्पादनमूलकको १.५५ प्रतिशतले सुचक घटेको छ । 

आईतवार फाइनान्स समुहको भने १७ दशमलव ५ अंकले बढेको छ । आइसीएफसी फाइनान्सको सेयर मुल्य ९.८२ प्रतिशत बढेर प्रति कित्ता २४६ रुपैयाँ पुगेको छ । त्यस्तै, रसुवागढी जलविद्युत, जानकी फाइनान्स, सिर्जना फाइनान्सको सेयर मुल्य ६ प्रतिशतले बढेको छ ।

आईतवार दिनभर १९३ कम्पनीका ३७ हजार ५ सय १५ करोबारबाट ९२ लाख ८१ हजार ४ सय ७८ कित्ता सेयर किनबेच भएका छन् । कारोबार रकम २ अर्ब ३९ करोड ५४ लाख ३२ हजार ५ सय ९९ रुपैयाँको कारोबार भएकोे छ ।

सबैभन्दा बढी नेपाल लाइफ इन्स्योरेन्सको १० करोड ६ लाख बराबरको सेयर कारोबार भएको छ, भने अपि पावरको पनि १० करोड भन्दा बढीको सेयर कारोबार भएको छ ।