जीवन बीमाको सेयरमा लगानीकर्ता झुम्मिदा नेप्से धेरै घट्न पाएन, तीन दिनमा ३० अंकले घट्यो बजार
८ माघ / अर्थ र व्यापार - बुधबार सेयर बजारमा ७.०५ अंकको गिरावट आएसँगै नेप्से परिसूचक १३१३.४२ अंकमा झरेको छ। साताको पहिलो दिन बजार १३४४ अंकमा पुग्दा बजारमा दुई अर्ब नौ करोड रुपैयाँको कारोबार भएपनि त्यसपछि लगातार सूचक र कारोबार रकम दुबै घटिरहेको छ।
बजारमा उत्तरचढाव आउँदा बुधबार एक अर्ब ५८ करोड रुपैयाँको सेयर किनबेच भएको छ। बजार खुलेको आधा घण्टापछि घट्न सुरु भएको बजार १३१० अंक सम्म तल झरेको थियो। १२ बजेपछि बजारमा केही सुधार हुन खोजेपनि फेरि आधा घण्टापछि बजार घट्न सुरु भएको थियो। त्यसपछि कुनै पनि समय हरियो हुन नसकेको बजार अन्त्यमा ७.०५ अंकले घट्दै बन्द भएको हो।
बुधबार पनि ग्लोबल आइएमई बैंकको सेयर सबैभन्दा बढी किनबेच भएको छ। बैंकको ६१ करोड रुपैयाँको सेयर किनबेच भएको छ। ग्लोबल आइएमई बैंक पछि नेपाल बैंकको नौ करोड रुपैयाँको शेयर किनबेच भएको छ।
धेरै शेयर किनबेच हुनेमा ५ वटा बीमा कम्पनी छन्। सबैभन्दा धेरै सूर्य लाइफको ७ करोड ६९ लाख रुपैयाँको सेयर किनबेच भएको छ। एसियन लाइफको ५ करोड ८३ लाख, नेपाल लाइफको ५ करोड ८१ लाख, प्राइम लाइफको ५ करोड ४१ लाख र गुराँस लाइफको २ करोड ७४ लाख रुपैयाँको सेयर किनबेच भएको छ।
दिनभर १७८ कम्पनीका ४९ लाख कित्ता शेयर किनबेच भएका छन्। लाइफ इन्स्योरेन्सको उपसूचक २ प्रतिशतले बढेपनि अन्य सबै उपसूचक घटेका छन्। सबैभन्दा धेरै हाइड्रोपावर, होटल र ट्रेडिङ समुहका उपसूचक १र१ प्रतिशत भन्दा बढीले घटेका छन्।
लामो समयपछि गत पुस २२ गते एक अर्ब नाघेको कारोबार रकम, २८ पुसमा पौने दुई अर्ब रुपैयाँ पुगेको थियो। माघ पाँच गते दुई अर्ब नाघेको कारोबार रकम त्यसपछि क्रमश घट्दो क्रममा छ। सोमबार एक अर्ब ९७ करोड, मंगलवार एक अर्ब ५१ करोड र बुधबार एक अर्ब ५८ करोड रुपैयाँमा कारोबार झरेको हो।
सम्बन्धित शीर्षकहरु
मुख्य खबर
निजी क्षेत्रको मनोबल कम हुन दिंदैनौं : नवनियुक्त अर्थमन्त्री खनाल
नवनियुक्त अर्थमन्त्री रामेश्वर खनालले निजी क्षेत्रको मनोबल कम हुन नदिने बताएका छन् । सोमबार अर्थ मन्त्रालयमा पदभार ग्रहण गर्दै खनालले यस्तो बताएका हुन् ।
जेनजी पुस्ताको प्रदर्शन थप चर्किएपछि विद्यार्थीलाई विद्यालयमै राख्न र कर्मचारीलाई कार्यालयमै बस्न प्रशासनको आग्रह
जेनजी पुस्ताको प्रदर्शन थप चर्किएपछि जिल्ला प्रशासन कार्यालय काठमाडौंले विद्यालयमा रहेका विद्यार्थीलाई विद्यालयमै ‘होल्ड’ गर्न आग्रह गरेको छ । प्रहरीको गोलीप्रहार र दमनपछि आन्दोलन थप
भ्रष्टाचार र कुशासन बिरूद्ध जेनजी पुस्ताको बेजोड प्रदर्शन
भ्रष्टाचार र कुशासनलाई लिएर आफूविरुद्धको आक्रोश दबाउन सरकारले सामाजिक सञ्जाल बन्द गरेपछि त्यसको विरोधमा जेनजी पुस्ता अभूतपूर्वरुपमा सडकमा ओर्लिएर प्रदर्शन गरिरहेका छन् ।
१९ खर्ब ६४ अर्ब ११ करोडको बजेट प्रस्तुत
अर्थमन्त्री विष्णु प्रसाद पौडेलले आगामी आर्थिक वर्ष २०८२/८३ का लागि १९ खर्ब ६४ अर्ब ११ करोड बराबरको बजेट सार्वजनिक गरेका छन् ।
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया