२२ असोज/अर्थ र व्यापार– साताको अन्तिम दिन बिहीबार सेयर वजार परिसूचक ११ दशमलव ३४ अंकले घटेको छ । 

बुधवार १ हजार ६ सय अंक भन्दा माथि पुगेको नेप्से परिसूचक बिहीबार ११ दशमलव ३४ अंकले घटेको र १ हजार ५ सय ८९ अंकमा झरेको छ । 

विहीबार जलविद्युतको सुचक ३ दशमलव ०८ प्रतिशत घटेको छ भने फाइनान्सको सुचक ३ दशमलव ९१ प्रतिशत बढेको छ । 

बिहिवार दिनभर भएका १ सय ९३ कम्पनीको ४८ हजार १ सय ९९ कारोबारबाट १ करोड ११ लाख ६४ हजार ५ सय ६ कित्ता सेयर किनबेच भएका छन् । जसअनुसार कारोबार रकम २ अर्ब ९० करोड ५० लाख ५७ हजार ९ सय ६६ रुपैयाँको कारोबार भएको छ । 

आज सबैभन्दा धेरै कारोबार हुनेमा जलविद्युत कम्पनी रहेको छ । अरुण काबेली हाइड्रोको सबैभन्दा बढी १२ करोड ४१ लाख बराबरको सेयर कारोबार भएको छ भने दोस्रोमा नेशनल हाइड्रोपावरको १० करोड ३७ लाख बराबरको सेयर कारोबार भएको छ ।

विहिवार मल्टिपर्पस फाइनान्सको सेयर मुल्य १० प्रतिशत बढेर प्रतिकित्ता १५४ पुगेको छ । साथै, कर्णाली विकास बैंकको सेयर मुल्य ९ दशमलव ७९ प्रतिशत बढेर १५७ रुपैयाँ कायम भएको छ ।