१३ असोज/अर्थ र व्यापार– मंगलबार सेयर बजारमा ७ दशमलव २१ अंकले गिरावट आएको छ ।  

मंगलबार १५६४.७८ विन्दुबाट सुरु भएको सूचक शुरुको ४५ मिनेटमा १५५२.८५ विन्दुसम्म ओर्लिएको थियो । सोपछि १५५५ अंकको वरिपरि रहेर अन्त्यमा १५५३.६२ विन्दुमा बन्द भयो ।

सेयर बजार घट्दा पनि जलविद्युत कम्पनीका सेयरमा लगानीकर्ताहरुको आकर्षण घटेको छैन । मंगलबार १२ उपसमूहमध्ये जलविद्युतको सूचक २.१९ प्रतिशतले बढ्ेको छ । 

मंगलबार सकारात्मक सर्किट लागेको जोशी हाइड्रोपावरको सेयर मूल्य सर्वाधिक १० प्रतिशतले बढ्यो । यससहित कुल नौ कम्पनीको मूल्य नौदेखि १० प्रतिशतसम्मले बढेको छ ।  

सोमबार एक अर्ब ६९ करोड रुपैयाँको भएको सेयर कारोबार मंगलबार करीब एक अर्ब ८३ करोडको भएको हो । 

सूचकमा सामान्य गिरावट आएको मंगलबारको बजारमा अरुण काबेलीको सेयर सर्वाधिक रकम (झन्डै १७ करोड ४२ लाख रुपैयाँ)को कारोबार भएको छ ।