नवीकरण शुल्क नबुझाएपछि नेप्सेले रोक्यो २५ कम्पनीको सेयर कारोबार
२ कात्तिक/अर्थर व्यापार– नेपाल स्टक एक्सचेन्ज (नेप्से) ले आज आइतबारबाट २५ कम्पनीको सेयर कारोबारमा रोक लगाएको छ ।
नेप्सेमा सूचीकृत कम्पनीले वार्षिक रूपमा तिर्नुपर्ने नवीकरण शुल्क नबुझाएपछि ति कम्पनीहरुको सेयर कारोबारमा रोक लगाएको हो ।
नवीकरण शुल्क नबुझाएपछि कारोबार रोक्का हुने कम्पनीहरुमा दोस्रो बजारमा सेयर कारोबार भइरहेका हिमाल दोलखा हाइड्रो, मल्टिपर्पोज फाइनान्स, हिमालयन डिष्टिलरी, जोशी हाइड्रो, नेपाल हाइड्रो लगायतका कम्पनीहरू छन् ।
कारोबार रोक्का हुनेमा अधिकांस नेप्सेमा सूचीकृत भएर पनि लामो समयदेखि कारोबार नभएका कम्पनीहरु रहेको नेप्सेले जनाएको छ ।
जसमा रघुपति जुट मिल्स, गोरखाली रबर, हरिसिद्धि इँटा तथा टायल, अरुण वनस्पति, विराट सुज लिमिटेड, बुटवल स्पिनिङ मिल्स, नेपाल वेयलफेयर कम्पनी, नेपाल ट्रेडिङ, नेपाल फिल्म डेभलपमेन्ट कम्पनी, फ्युलर हिमालयन, नेपाल बिटुमिन एण्ड ब्यारेल उद्योग, श्री राम सुगर मिल्स, ज्योति स्पिनिङ मिल्स लगायतका लामो समयदेखि दोस्रो बजारमा कारोबार नभएका कम्पनी रहेका छन् ।
नेप्सेले धितोपत्र सूचीकरण विनियमावली २०७५ अनुसार आर्थिक वर्ष समाप्त भएको तीन महिनासम्ममा सूचीकरणको नवीकरण शुल्क नबुझाउने कम्पनीहरुको सूचीकरण तथा कारोबार स्थगित गरेको जनाएको छ ।
धितोपत्र सूचीकरण विनियमावली २०७५ अनुसार ५० करोड रुपैयाँ बराबरको सेयर सूचीकरण भएको कम्पनीले वार्षिक रूपमा ५० हजार रुपैयाँ र त्यसभन्दा धेरै चुक्ता पुँजी भएको कम्पनीले एक लाख रुपैयाँ नवीकरण शुल्क वापत बुझाउनुपर्ने व्यवस्था छ ।
कारोबार रोक्का भएका कम्पनीले सूचीकरण नविकरण शुल्क बुझाउने बित्तिकै कारोबार खुला हुने नेपाल स्टक एक्सचेन्ज (नेप्से) ले जनाएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया