१८ जेठ / अर्थ र व्यापार-असार ५ गतेबाट १ बराबर १ अनुपातमा एनबी इन्स्योरेन्सको हकप्रद सेयर जारी हुने भएको छ ।

कम्पनीको १ सय रुपैयाँ अंकित मूल्य रहेको सेयरमा जेठ ३ गतेसम्म सेयर स्वामित्व भएकाले लगानी गर्न पाउने छन् । साउन ९ गतेसम्म खुल्ने सेयरमा बिक्री प्रबन्धक ग्लोबल आइएमइ क्यापिटलको कार्यालय र एनबी इन्स्योरेन्सका शाखा कार्यालयबाट आवेदन दिन सकिने छ ।

कम्पनीको हाल २७ करोड चुक्ता पुँजी रहेको हकप्रद निष्काशनपछि पुँजी ५४ करोड रुपैयाँ पुग्ने छ । कम्पनीले बीमा समितिको निर्देशन अनुसार चुक्ता पुँजी १ अर्ब पुर्याउनुपर्ने हुन्छ । कम्पनीको सेयरलाई इक्रा रेटिङले ग्रेड फोर रेटिङ दिएको छ ।

यसले समग्र वित्तीय अवस्थाको आधारमा कम्पनीको आधारभुत पक्ष औसतभन्दा कमजोर रहेको संकेत गर्छ ।