२८ जेठ / अर्थ र व्यापार - आज शेयर शेयर बजारमा नेप्से परिसूचक ०.१७ अंकले बढेर १२७५.९९ को बिन्दुमा पुगेर कारोबार बन्द भएको छ । यसदिन १ सय ७४ कम्पनीको १५ लाख ९ हजार ८८५ कित्ता शेयर खरिदबिक्री भई ४८ करोड ८ लाख ७६ हजार रुपैयाँ बराबरको कारोबार भएको थियो । 

त्यस्तै गरी ‘क’ वर्गका कम्पनीहरुको मापन सेन्सेटिभ परिसुचक शुन्य दशमलव ४० अंकले बढेर २ सय ७२ दशलमव ८६ अंकको बिन्दुमा पुगेर बन्द भएको छ । यस दिन सबैभन्दा बढी कारोबार शिवम सिमेन्टको भएको छ । जसको कारोबार ४ करोड ३ लाख ७८ हजार रुपैयाँ बराबरको भएको छ । 

यस दिन सर्वाधिक कमाउनेमा पाँचथर पावर कम्पनीको भएको छ । जसको शेयर मूल्यमा ९ दशमलव ५२ प्रतिशतले बढेको छ । साथै सर्वाधिक गुमाउनेमा नेपाल हाइड्रो डेभलपरका लगानीकर्ताहरु रहेका छन् । जसको शेयर मूल्यमा ९ दशमलव ६१ प्रतिशतले घटेको छ । यस दिन १२ वटै उपपरिसुचकहरुमा ६ वटा समूह बढेको छ भने ६ वटा समूह घटेको छ ।