२० माघ / अर्थ र व्यापार - सेयर बजारमा एक अर्ब ६१ करोड रुपैयाँको कारोबारसहित सूचक साढे २ अंकले उक्लिएको छ। दिनभरी नै हरियो - नीलो भएको बजार अन्ततस् बढेर बन्द भएको हो।

सूचक १३४९ अंकमा बन्द भएको छ। दिनभरिमा १७७ कम्पनीका सेयर किनबेच भएका छन्। नेको इन्स्योरेन्सको सबैभन्दा बढी साढे ६ करोडको किनबेच भएको छ भने ग्लोबल आइएमइ बैंको पाँच करोड रूपैयाँको भएको छ।

वाणिज्य बैंक समूह ओरालो लाग्दा समग्र बजार घटेको हो। यद्यपी विकास बैंक र निर्जीवन बीमा कम्पनीको सेयर सूचक बढेको छ। 

सोमबार ७७ वटा कम्पनीको सेयर मूल्य घटेको छ। ८३ वटाको बढेको छ। बजारमा नेशनल हाइड्रोपावर कम्पनीको अढाइ लाख कित्ता सेयरको माग भएको थियो।

सबैभन्दा बढि सेयर आपूर्ति भने कुमारी बैंक, प्रभु बैंक र सेञ्चुरी बैंकको भएको थियो। रसुवागढी हाइड्रोपावर कम्पनीका लगानीकर्ता एकदमै सक्रिय देखिएका थिए। 

बजारबाट सोमबार गरिमा विकास बैंक, नेशाल हाइड्रोपावर र छ्याङ्दी हाइड्रोपावरका लगानीकर्ताले सर्वा्धिक कमाएका छन्। कम्पनीको सेयर मूल्य ९ प्रतिशत माथिले बढेको छ। धेरै गुमाउनेमा मल्टीप्रपोज फाइनान्स र युनियन हाइड्रोपावरका लगानीकर्ता छन्।