सानदारले फर्कियो सेयर बजार, नेप्से १११.७० अंकले बढ्यो

163 पटक पढिएको

५ असोज/अर्थ र व्यापार – गत २३ र २४ भदौमा जेनजी पुस्ताको आन्दोलनका कारण लामो समय बन्द भएको सेयर बजार खुलेको दोस्रो दिन आइतबार सानदारले बढेको छ ।
आन्दोलन पछि १०औं दिनमा गत २ असोजमा बजार खुल्दा १ सय ६० अंकको पहिरो गएको थियो । तर यस साताको पहिलो कारोबार दिन आइतबार भने सेयर बजार सान्दारले बढेर फर्किएको छ ।
यस दिन सेयर बजार परिसूचक नेप्से १ सय ११ दशमलब ७० अंकले बढेर २६ सय २३ दशमलब ६२ विन्दुमा उक्लीएको छ । यस दिन निर्जीवन बीमा र म्युचुअल फन्ड बाहेकका उपसमूकहले नेप्से उकालो लगाएका हुन् । आइतबार करिब एक दर्जनभन्दा धेरै कम्पनीको सेयर मूल्यमा सर्किट लागेको छ ।
अघिल्लो कारोबार दिन ६ प्रतिशत घटेर नेगेटिभ सर्किट ब्रेक लागेको सेयर बजार आइतबार ४ दशमलब ४४ प्रतिशतले बढेको छ ।
यसदिन ९ अर्ब १७ करोड ९५ लाख ७३ हजार रूपैयाँको सेयर कारोबार भएको छ । २ सय २४ वटा कम्पनीको मूल्य बढेको छ । २८ वटाको घटेको छ ।

यसदिन व्यापार समूह सबैभन्दा धेरै ८.६६ प्रतिशत बढ्यो । बैंकिङ ४.५२, विकास बैंक ६.०७, फाइनान्स ५.५४, होटल तथा पर्यटन २.३३, हाइड्रोपावर ५.८३, लगानी ७.६८, जीवन बीमा ५.६६, उत्पादन तथा प्रशोधन ४.८५, माइक्रोफाइनान्स ३.६९ तथा अन्य १.५३ प्रतिशत बढे ।
डेढ दर्जन कम्पनीको मूल्य १० प्रतिशत बढेको छ । १० प्रतिशत मूल्य बढेका कम्पनीमा शिवम् सिमेन्ट, जोशी हाइड्रोपावर, सिन्धु विकास बैंक, भूगोल इनर्जी, गुडविल फाइनान्स, अपी पावर, आँखुखोला जलविद्युत् छन् ।
यसैगरी, बलेफी हाइड्रोपावर, हिमाल दोलखा हाइड्रोपावर, ग्रिन डेभलपमेन्ट बैंक, सप्तकोशी विकास बैंक, हिमस्टार ऊर्जा कम्पनी, माथिल्लो तामाकोशी, कर्पोरेट डेभलपमेन्ट बैंक, नेसनल हाइड्रोपावर, शिवश्री हाइड्रोपावर, रिडी पावर, सिक्लेस हाइड्रोपावर छन् ।

तपाईको प्रतिक्रिया

सम्बन्धित शीर्षकहरु

सेयर बजार २७.८९ अंकले घट्यो