सेयर बजारमा पहिरो, नेप्से ३५.९९ अंकले घट्यो

181 पटक पढिएको

२३ भदौ/अर्थ र व्यापार – यस साताको दोस्रो कारोबार दिन सोमबार सेयर बजारमा पहिरो गएको छ । अघिल्लो दिनको तुलनामा सेयरबजार परिसूचक नेप्से ३५.९९ अंकले घटेको छ । योे गिरावटसँगै नेप्से २६ सय ७२ विन्दुमा झरेको छ ।
सोमबार बजार खुलेदेखि नै अन्तिमसम्म सबै सूचक रातो बन्यो । यसदिन संघिय राजधानी काठमाडौंमा जेनजीको विरोध प्रदर्शन र प्रहरीको दमनले उग्र रुप लिएपछि सोआन्दोलनको प्रभाव सेयर बजारमा पनि परेको लगानीकर्ताको अनुमान छ ।
नेप्से घटेपनि यस दिन कारोबार रकम भने अघिल्लो दिनको भन्दा केही बढेको छ । अघिल्लो दिन ४ अर्ब ४० करोडको कारोबार भएकोमा यसदिन ५ अर्ब २३ करोडको कारोबार भएको छ । २२ कम्पनीको मूल्य बढ्दा २ सय २९ वटाको घटेको छ ।
सबै सेक्टरका सूचक घटेका छन् । बैंकिङ १.१२, विकास बैंक १.३८, फाइनान्स ०.९२, होटल तथा पर्यटन १.३३, हाइड्रोपावर १.३८, लगानी १.३७, जीवन बीमा ०.८८, उत्पादन तथा प्रशोधन १.२३, माइक्रोफाइनान्स १.१३, निर्जीवन बीमा १.२६, अन्य १.३८ र व्यापार ३.३१ प्रतिशतले घटेको छ ।
बाराही हाइड्रोपावरको सेयर मूल्य सबैभन्दा धेरै ५.२८ प्रतिशतले घटेको छ । यसदिन धेरै कारोबार भएका पाँच कम्पनीहरूमा नेपाल पुनर्बीमा, युनियन हाइड्रोपावर, युनिभर्सल पावर, हिमालयन रिइन्स्योरेन्स र युनाइटेड मोदी हाइड्रोपावर रहेका छन् ।

तपाईको प्रतिक्रिया

सम्बन्धित शीर्षकहरु

नेप्से र कारोबार दुबै घट्यो

उच्च मनोवलका साथ संयमित भएर कारोबार गर्न ब्रोकर एशोसिएशनको आग्रह

पुँजीबजार सुधार प्रतिवेदनको स्टक ब्रोकरद्वारा स्वागत, तत्काल कार्यान्वयनमा लैजान माग

सेयर बजार २७.८९ अंकले घट्यो

सानदारले फर्कियो सेयर बजार, नेप्से १११.७० अंकले बढ्यो

हट्यो १५ मिनेटको नियम, लगानीकर्ता उत्साहित

अर्थमन्त्री खनालको निर्देशनमा नेप्से सूचकांक गणना विधि हटाउने तयारी

आन्दोलनको प्रभाव सेयर बजारमा, नेप्से १६०.३३ अंकले घटेर २५११ विन्दुमा

सेबोनले मुद्दती निक्षेपमा लगानी गर्ने, ५ दिने समय दिएर बैंकहरुसँग प्रस्ताव माग्यो