नेप्से ३१.५० अंक घटेर २९ सय २२ विन्दुमा , सेयर कारोबार रकम पनि घट्यो

93 पटक पढिएको

१५ साउन/अर्थ र व्यापार – यस साताको अन्तिम कारोबार दिन बिहीबार सेयर बजार परिसूचक नेप्से ३१ दशमलब ५० अंकले घटेर २९ सय २२ दशमलब ६३ विन्दुमा कायम भएको छ ।
दिनभरको उतारचढावकाबीच यसदिन १५ अर्ब ९८ करोड ८९ लाख ११ हजार ९ सय ५४ रूपैयाँको सेयर कारोबार भएको छ । अघिल्लो दिन १६ अर्ब ४४ करोडको कारोबार भएको थियो । ५२ वटा कम्पनीको सेयरमूल्य बढ्दा १ सय ९८ वटा कम्पनीको सेयरमूल्य घटेको छ ।
यसदिन फाइनान्स बाहेक सबै उपसमूहको सेयरमूल्य सूचक घटेको छ । फाइनान्स उपसमूहको १.१८ प्रतिशतले बढेको छ ।
व्यापार उपसमूहको सेयरमूल्य सबैभन्दा धेरै २ दशमलब ४४ प्रतिशतले घटेको छ । बैंकिङ उपसमूहको १.४४ प्रतिशत, विकास बैंक उपसमूहको ०.४७ प्रतिशत , होटल तथा पर्यटन उपसमूहको ०.९९ प्रतिशत , हाइड्रोपावर उपसमूहको १.१५ प्रतिशत , लगानी उपसमूहको १.३२ प्रतिशत , जीवन बीमा उपसमूहको १.२९ प्रतिशत, उत्पादन तथा प्रशोधन उपसमूहको १.१४ प्रतिशत , माइक्रोफाइनान्स उपसमूहको ०.५० प्रतिशत , निर्जीवन बीमा उपसमूहको ०.७० प्रतिशत र अन्य उपसमूहको ०.३० प्रतिशतले घटेको छ ।
तीनवटा कम्पनीको सेयरमूल्य १० प्रतिशत बढेको छ । १० प्रतिशत बढेका कम्पनीमा ट्रेड टावर, नेपाल फाइनान्स र कर्पोरेट डेभलपमेन्ट बैंक छन् । ग्रिन डेभलपमेन्ट बैंकको ९.९, सप्तकोशी विकास बैंकको ९.८६, सिन्धु विकास बैंकको ६.७४, सान्भी इनर्जीको ५.३९ प्रतिशतले सेयरमूल्य बढ्यो ।
भूगोल इनर्जीको ७.१० प्रतिशत, माइखोला हाइड्रोपावरको ५.७० तथा अपरसोलु हाइड्रो इलेक्ट्रिकको ४.९४ प्रतिशत मूल्य घट्यो ।
धेरै कारोबार भएका पाँच कम्पनीमा हिमालयन रिइन्स्योरेन्स, नेपाल पुनर्बीमा, हिमालयन डिस्टिलरी, शिवम् सिमेन्ट र लुम्बिनी विकास बैंक रहेका छन् ।

तपाईको प्रतिक्रिया

सम्बन्धित शीर्षकहरु