३ हजार माथि टिकेन सेयर बजार, नेप्से ४७.९३ अंकले घट्यो

94 पटक पढिएको

१४ साउन/अर्थ र व्यापार – यस साताको चौथो कारोबार दिन बुधबार सेयर बजारको परिसूचक नेप्से ३ हजार भन्दा माथि टिक्न नसकेर फेरि साढे २९ सय नजिक नै झरेको छ । अघिल्लो दिन ३ हजार २ अंकमा बासबसेको नेप्से यसदिन ४७ दशमलब ९३ अंकले घटेर २९ सय ५४ दशमलब १४ विन्दुमा झरेको छ ।
बुधबार कारोबार रकम पनि अघिल्लो दिनको तुलनामा केही घटेको छ । अघिल्लो दिन १८ अर्ब ५२ करोडको कारोबार भएकोमा यसदिन १६ अर्ब ४४ करोड १३ लाख ५४ हजार ४ सय ८ रुपैयाँको सेयर कारोबार भएको छ ।
२३ वटा कम्पनीको सेयरमूल्य बढेको छ । २ सय २६ वटा कम्पनीको सेयरमूल्य घटेको छ । अन्य उपसमूहको बाहेक सबै उपसमूहका सेयरमूल्य सूचक घटेका छन् । अन्य उपसमूहको शून्य दशमलब ८५ प्रतिशतले बढेको छ । दुईवटा शक्तिशाली कम्पनी नेपाल पुर्नबीमा कम्पनी र हिमालयन रि इन्स्योरेन्सको सेयरमूल्य बढेका कारण यो उपसमूहको सूचक हरियो देखिएको छ ।
यसदिन बैंकिङ उपसमूहको १ दशमलब ५५ प्रतिशत, विकास बैंक उपसमूहको ३ दशमलब २७ प्रतिशत, फाइनान्स उपसमूहको २ दशमलब ७० प्रतिशत, होटल तथा पर्यटन उपसमूहको २ दशमलब १० प्रतिशत , हाइड्रोपावर उपसमूहको १ दशमलब ६३ प्रतिशत , लगानी उपसमूहको १ दशमलब ६५ प्रतिशतले घटेको छ ।
जीवन बीमा उपसमूहको १ दशमलब ७६ प्रतिशत, उत्पादन तथा प्रशोधन उपसमूहको १ दशमलब ३२ प्रतिशत, माइक्रोफाइनान्स उपसमूहको ३ दशमलब २८ प्रतिशत, निर्जीवन बीमा उपसमूहको १ दशमलब ५४ प्रतिशत र व्यापार उपसमूहको १ दशमलब ७२ प्रतिशतले घटेको छ ।
दुई कम्पनी सान्भी इनर्जी र ट्रेड टावरको सेयर मूल्य १० प्रतिशतले बढेको छ । समता घरेलु लघुवित्तको ६ दशमलब ७४ प्रतिशतल, सिक्लेस हाइड्रोपावरको ५ दशमलब १६ प्रतिशत , भूगोल इनर्जीको ३ दशमलब ८२ प्रतिशतले सेयरमूल्य बढेको छ ।
ग्रिन डेभलपमेन्ट बैंकको मूल्य सबैभन्दा धेरै ८ प्रतिशतले घटेको छ । त्यस्तै, कालिका पावरको ६ प्रतिशत, सीवाईसी लघुवित्तको ५ दशमलब ४ प्रतिशत, नाडेप लघुवित्तको ५ दशमलब ४ प्रतिशतले सेयर मूल्य घटेको छ ।
यसदिन धेरै कारोबार भएका पाँच कम्पनीहरूमा हिमालयन रि इन्स्योरेन्स, हिमालयन डिस्टिलरी, शिवम् सिमेन्ट, ग्रिन भेन्चर्स र नेपाल पुर्नबीमा कम्पनी क्रमशः अगाडि रहेका छन् ।

तपाईको प्रतिक्रिया

सम्बन्धित शीर्षकहरु

नेप्से ३१.५० अंक घटेर २९ सय २२ विन्दुमा , सेयर कारोबार रकम पनि घट्यो

दरमखोला हाइड्रो इनर्जीको आईपीओ खुल्यो

नेपाल पुर्नबीमा कम्पनीले शतप्रतिशत हकप्रद सेयर जारी गर्ने