सेयर बजार ४ वर्षकै उच्च, नाघ्यो ३ हजार

104 पटक पढिएको

१३ साउन /अर्थ र व्यापार – यस साताको तेस्रो कारोबार दिन मंगलबार सेयर बजार करिब ४ वर्षकै उच्चतम विन्दुमा पुगेको छ । अघिल्लो दिनको तुलनामा यसदिन सेयर बजार परिसूचक नेप्से ३० दशमलब ७६ अंकले बढेर ३ हजार २ दशमलब ०७ विन्दुमा पुगेको छ । कारोबारको क्रममा मंगलबार दिउँसो सवा १२ बजे नेप्से बढेर ३ हजार २८ विन्दुसम्म उक्लिएको थियो ।
दिनभरको कारोबारपछि बजार बन्द हुँदा नेप्सेमा कायम रहेको यो ३ हजार २ दशमलब ०७ विन्दु १३ भदौ २०७८ यताकै उच्च हो । सो वर्ष २ भदौमा हालसम्मकै उच्च नेप्से ३१ सय ९८ विन्दुको रेकर्ड बनाएपछि पुनः ओरालो लागेको थियो ।
यसदिन १८ अर्ब ५२ करोड ५३ लाख २२ हजार ८ सय ४५ रुपैयाँको सेयर कारोबार भएको छ । कारोबार रकम भने अघिल्लो दिनको तुलनामा केही घटेको छ । अघिल्लो दिन १९ अर्ब ३६ करोडको कारोबार भएको थियो । कारोबार रकम भने गत ३१ साउनमा हालसम्मकै उच्च २९ अर्ब ९५ करोडको थियो ।
यसदिन १ सय ७६ वटा कम्पनीको सेयरमूल्य बढेको छ । ७४ वटा कम्पनीको घटेको छ । अन्य उपसमूहको सेयरमूल्य सबैभन्दा धेरै २ दशमलब ५८ प्रतिशतले बढेको छ । बैंकिङ उपसमूहको १.३२ प्रतिशत , होटल तथा पर्यटन उपसमूहको ०.३२ प्रतिशत, हाइड्रोपावर उपसमूहको ०.४४ प्रतिशतले बढेको छ ।
लगानी उपसमूहको ०.९४ प्रतिशत, जीवन बीमा उपसमूहको ०.७९ प्रतिशत, उत्पादन तथा प्रशोधन उपसमूहको ०.९८ प्रतिशत, माइक्रोफाइनान्स उपसमूहको १.६९ प्रतिशत र निर्जीवन बीमा उपसमूहको १.१२ प्रतिशतले बढेको छ ।
व्यापार उपसमूहको ०.२५ प्रतिशत, विकास बैंक उपसमूहको ०.३६ प्रतिशत र फाइनान्स उपसमूहको ०.१२ प्रतिशतले घटेको छ । यसदिन चारवटा कम्पनीको सेयरमूल्य १० प्रतिशत बढेको छ । १० प्रतिशत बढेका कम्पनीमा मुक्तिनाथ कृषि कम्पनी, ट्रेड टावर, सान्भी इनर्जी र नाडेप लघुवित्त छन् ।
त्यस्तै, नेपाल वेयरहाउजिङको ८.०६ प्रतिशत, मायाखोलाको ७.२१ प्रतिशत र ग्रिन भेन्चर्सको ७ प्रतिशतले सेयरमूल्य बढेको छ । समता घरेलु लघुवित्तको मूल्य सबैभन्दा धेरै ८.६ प्रतिशतले घटेको छ । धेरै कारोबार भएका कम्पनीमा हिमालयन डिस्टिलरी, ग्रिन भेन्चर्स, नेपाल पुर्नबीमा, हिमालयन रि इन्स्योरेन्स र राधि विद्युत् रहेका छन् ।

तपाईको प्रतिक्रिया

सम्बन्धित शीर्षकहरु

नेप्से ३१.५० अंक घटेर २९ सय २२ विन्दुमा , सेयर कारोबार रकम पनि घट्यो

दरमखोला हाइड्रो इनर्जीको आईपीओ खुल्यो

नेपाल पुर्नबीमा कम्पनीले शतप्रतिशत हकप्रद सेयर जारी गर्ने

३ हजार माथि टिकेन सेयर बजार, नेप्से ४७.९३ अंकले घट्यो